Psalms 73:27 - Bible Ni Thothup

²⁷ Pi’in kar n’iged gur e rib mudugil ni bay ra m’ad, ma bay mu thang owchen e pi’in ndarir yul’yul’gad ngom.

Psalms 73:27 Referans Kwoze

James 4:4

Gimed e pi’in nda myul’yul’gad ngak Got! Da mu nanged ni fa’anra mfagergad ko fayleng ma aram e kam manged to’ogor rok Got? Cha’ nra finey ni nge mang fager rok e fayleng e aram e ke tay ir ni ir e to’ogor rok Got.

Psalms 119:155

Rogon ni ngan mat’aw e ba palog rok e pi’in kireb e leam rorad, ni fan e darir folgad ko motochiyel rom.

Exodus 34:15

Dab mu ngongliy reb e tha’ u thilmed girdi’en e re nam nem, ya nap’an ni yad ra tayfan e tirorad e got ma yad be pi’ e maligach ngorad, ma bay ra pininged gur ni ngam un ngorad, ma bay ur guyed rogon ni ngam koy e pi ggan ni kar og niged ko tirorad e got.

Numbers 15:39

Pi matharthar ney e nge mang puguran ngomed, ya nge gubin ngiyal’ ni gimed ra guy me yib ngan’med urngin e tin kugog ni ngu’um folgad riy; nge dab mu pi’ed keru’med ngog ngam leked fiti lanin’med nge tin kam mm’ad ni bochan.

Psalms 106:39

Miyad ta’ay nigedyad ko pi ngongol rorad miyad par nda ku ra yul’yul’gad ngak Got.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

Efesus 2:17

Ere Kristus e yib nge machibnag fare Thin Ni Bfel’ ni murung’agen e gapas ngak urngin e girdi’ — ni aram e gimed e pi’in gathi gimed piyu Israel, ni um moyed ni gimed bmal’af rok Got, nge ngak piyu Israel, ni ur moyed ni yad ba chugur ngak Got.

Efesus 2:13

Machane chiney e kam ta’ab girdi’gad Jesus Kristus, ni gimed e pi’in ni um moyed ni gimed bmal’af rok Got e kambad ngak u daken racha’en Kristus ni map’ u kuruth.

Jeremiah 12:2

Mu yungrad, me yib liknginrad; miyad tugul nge yib wom’ngirad. Gubin ngiyal’ ma yad ma yognem nga fel’, ma dam t’uf u lanin’rad.

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

Ester 9:30

Re gi babyor ney e ni yoloy ni nge yan ngak gubin e Jew, min pi’ yuyang nge yan ko fa 127 yang i nug ko nam nu Persia. Ni be athapeg e gapas nge fel’rogon nga daken e pi Jew,

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.