Psalms 73:1 - Bible Ni Thothup

¹ I Got e riyul’ nib gol ngak yu Israel, ni pi’in ni machalbog gumircha’rad!

Psalms 73:1 Referans Kwoze

Matthew 5:8

“Nge felan’ e pi’in nib machalbog lanin’rad, ya yad ra guy Got!

Psalms 51:10

A Got, mu sunumeg e tafinay nib machalbog u fithik’ag, ma ga pi’ reb e tafinay ngog nib be’ech ma ba yul’yul’.

Luke 12:32

“Gimed e chi ulung ney e dab mu tamdaggad! Ya Chitamangimed e ba’adag ni nge pi’ e gin nsuwon ngomed.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Titus 3:5

me chuwegdad ko kireb nge thapegdad ngak Got. Ma gathi rin’ ni aram rogon ni gomanga bochan e ngongol ni bfel’ ni kad ngongliyed, machane bochan e be runguydad, ma aram me chuwegdad ko kireb nge thapegdad ngak Got u daken e maluk ni tay ngodad, nu daken e re maluk ney e ir e pi’ fare Kan Nthothup e bin nib be’ech e gargel nge bin nib be’ech e pangin riy ngodad.

Roma 4:16

Ere tin ni yog Got nra pi’ e ntay ni bay rogon ko mich u wun’uy ngak Got, ni fan e tin ke yog Got ni bayi pi’ e nge yan i aw nib tow’ath rok Got ngak urngin e pi’in owchen Abraham — ni gathi kemus ni pi’in yad be fol ko fare Motochiyel, machane ku errogon e pi’in ke mich Got u wun’rad ni bod rogon Abraham. Ya Abraham e chitamangidad ni gadad urngin e pi’in ke mich Got u wun’dad.

Psalms 50:1

SOMOL ni fare Got ni Gubin ma Rayag Rok e be non; be pining e fayleng ni ga’ngin ni tabab ko ngek nge yan i mada’ ko ngal.

2 Kronicles 29:30

En ni pilung nge pi’in yad ma yog e thin ko fare nam e rogned ngak e pi Levite ni ngar tang niged SOMOL ni yad be yin’ tangin e sorok ni yoloy David nge Asaf ni profet. Ma aram me tang gubin e girdi’ nri yad ba felfelan’ ni karragbuggad nga but’ ni yad be liyor ngak.

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Psalms 83:1

A Got, dab mu par ni kam th’ab gulngam; yug dab mu par u lom, ni dabmog ban’en!

Psalms 73:18

Rib mudugil ni kam tayrad ko yungi n’en nib tamasirgig, ma bay mu gagiyeg nagrad ngar mulgad nga fithik’ e riya’!

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 24:4

Pi’in machalbog e ngongol rorad nge leam rorad, nda rir tedfan e pi liyos ara rmicheged ban’en miyad thilyeg.

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

1 Kronicles 16:37

I David ni Pilung e tay Asaf nge boch piyu Levi ni yad e ke milfan rogon e liyor ni ngu’un tay ko gin bay fare Kahol ko M’ag riy. Yad e ngu’ur pigpiggad u rom ni gubin e rran.

1 Kronicles 16:7

Ma aram e ngiyal’ nsom’on ni pi’ David mat’wun Asaf nge boch e pi Levite ni yad e ngar tanggad ni yad be pining e sorok ngak SOMOL.

1 Kronicles 15:17

Fa yuke girdi’ ko girdi’en e tang e ra mel’eged e pi pumo’on ni ba’aray ni nge musik ko cymbal: Heman nib mo’on ni fak Joel, nge reb e girdi’ rok ni Asaf nib mo’on ni fak Berekiah, nge Ethan nib mo’on ni fak Kushayah, ni be’ ko fare ke girdi’ rok Merari. Mu kun mel’eg e tin ba’aray e Levite ni ngar musikgad ko harp ni bin lang e ton: Zekariah, Jaaziel, Shemiramoth, Jehiel, Unni, Eliab, Maaseyah, nge Benayah. Mu kur mel’eged e tin ba’aray e Levite ni ngar musikgad ko harp ni bin but’ e ton: Mattithiah, Elifelehu, Mikneyah, nge Azaziah, nge fa gal matnag ko Tempel, Obed Edom nge Jeyel.

1 Kronicles 6:39

Asaf e gafaliy e bin l’agruw e ulung ko tang. Gathon e tabnaw rok Asaf ni tabab rok me yan nga tomur nge mada’ ngak Levi e bod ni ba’aray: Asaf, Berekiah, Shimea,