Psalms 71:18 - Bible Ni Thothup

¹⁸ A Got, chiney ni kug pilibthir ma ke mat lolgeg, e dab mu n’igeg! Mu par rog ko ngiyal’ ni gu be weliy gelngim nge fenam gel ngak gubin e mfen ni bayib.

Psalms 71:18 Referans Kwoze

Isaiah 46:4

I Gag e Got romed, ma bay ug ayuwegmed nge mada’ ko ngiyal’ ni kam pilibthirgad nike manna’ piyan lolugmed. Kug ngongliymed ma bay ug ayuwegmed; bay ug fekmed ngam mada’gad ko gin ndabki buch ban’en romed riy.”

Psalms 71:9

Dab mu pi’ keru’um ngog e chiney ni kug pilibthir; dab mu n’ageg e chiney ni kug me’waer.

Psalms 78:4

Dab da mithaged rok pifakdad, nga dogned ko bin migid e mfen murung’agen SOMOL nib gel nge gafarig rok ni bfel’ nge pi maang’ang ni i rin’.

Psalms 78:6

ya nge yag ni nang e bin migid e mfen ngar chelgad ngar filed ngak pifakrad.

Psalms 22:31

Ma pi’in ndawor ni gargelegrad e bay nog ngorad ni ngan ga’ar: “I SOMOL e ke ayuweg e girdi’ rok.”

Isaiah 51:9

SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

1 Samuel 4:18

Fa’ani yog e re mo’on nem murung’agen fare Kahol ko M’ag ni aram rogon, me thig Eli u chiya rok nga keru’ u rom u to’oben e garog. Ma kari pilibthir nike par ni gathi ba’achig, me thig nga but’ me m’ing k’angan nge yim’. Ma nga aningeg i ragag e duw ni i par ni ir e be yog e thin rok e girdi’ nu Israel.

Acts 13:36

Ya David e i ngongliy e tin ni leamnag Got ko birok’ e tayim, nge mu’ me yim’, mi ni k’eyag nga to’oben pi chitamngin, me mel u lane low.

Isaiah 53:1

Me fulweg e girdi’ ni lungurad, “I mini’ e ra mich u wan’ e ren’en ni gadad ra weliy murung’agen e chiney? Mini’ e rayag ni guy pa’ SOMOL ni be maruwel u fithik’ e ren’ey?

1 Samuel 4:15

(Ma nga mereb i ragag nge meruk e duw yangren Eli, ma ke par nike chugur ni dabki guy ban’en.)

Exodus 13:8

Nap’an nra tabab e re madnom ney mi gimed weliy ngak pifakmed ni pumo’on fan ni gimed be rin’ e pin’ey ni bochan e tin i rin’ SOMOL ni fan ngomed nnap’an nim chuwgad u Egypt.

Genesis 27:1

Ma ke pilibthir Isak, nike malmit. Me l’oeg e thin nge yan ngak Esau ni bin nib ilal ko fa gali pagel ni fak, me yib me ga’ar ngak, “Fakag!” Me fulweg ni ga’ar, “Gub aray.”

Psalms 48:14

“Re Got ney e Got rodad ni manechibog ko pichibog, i Ir e bayi pow’iydad e chiney i yan ngaram.”