Psalms 69:17 - Bible Ni Thothup

¹⁷ Dab mmithegem rok e tapigpig rom; ku gu par nga fithik’ e oloboch nib gel, mu fulweg taban e meybil rog e chiney!

Psalms 69:17 Referans Kwoze

Psalms 27:9

dab mu mith rog! Dab mu damumuw ngog; dab mu n’ag e tapigpig rom. I gur e um ayuwegneg; dab mu pageg, dab mu n’igeg. I gur Got, ni ta’ayuw rog!

Psalms 102:2

Nap’an nra yib e oloboch ngog, ma dab mu pi’ keru’um ngog! Mu telim ngog, ngiyal’ ni gu ra piningem ma ga fulweg lungug nib papey!

Matthew 27:46

Ma gonap’an e ke dalip e kolok me non Jesus nri ba ga’ laman ni be ga’ar, “ Eli, Eli, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Psalms 70:1

A Got, mu ayuwegneg! SOMOL, mu aywegeg e chiney!

Psalms 143:9

SOMOL, gu be yib ngom ni ngam yororiyeg; mu ayuwegneg u pa’ e pi to’ogor rog.

Psalms 66:14

Bay gu pi’ ngom e n’en ni kugog ni gu ra pi’ ko fa ngiyal’ ni gu bay u fithik’ e gafgow.

Psalms 44:24

Mangfan ni ga be mith romad? Dab mu pagtalin e gafgow nge oloboch romad!

Psalms 40:13

SOMOL, mu ayuwegneg e chiney! Mu chuwegeg u fithik’!

Psalms 13:1

SOMOL, uw n’umngin nap’an ni ngam pagtalig? Manemus? Uw n’umngin nap’an ni ngam mitheg owchem rog?

BABYOR NI JOB 7:21

Dakriy bi’id ni ga ra n’ag fan e denen rog? Dab ku mu na’g u wun’um e kireb rog? Dabki n’uw nap’an mu gu wan nga low rog, ma bay um sap nigeg ma ku gu thumur.

Matthew 26:38

me ga’ar ngorad, “Taganan’ ni keb ngog e rib ga’ ni be chugur ni nge li’eg. Mpired u roy ngu’um uned ngog ko mood.”

Psalms 143:7

SOMOL, mu non ngog e chiney! Ka ri mulan’ug. Dab mmithagem rog, ya rug un u fithik’ e pi’in nge yan nga’ar ko fayleng ko yam’.

Psalms 22:24

Der ma fek owchen rok e pi’in dariy ban’en rorad ara sabalbalyang ko pi gafgow rorad; der ma par u orel rorad, mma rung’ag lamrad e ngiyal ni yad ra man ayuw.”

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,