Psalms 67:4 - Bible Ni Thothup

⁴ Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

Psalms 67:4 Referans Kwoze

Psalms 98:9

ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

Psalms 9:8

Be gagiyegnag e fayleng nib yal’uw rogon; ma pufthinnag e pi nam nrogon nib mat’aw.

Psalms 82:6

Gu be ga’ar, ‘Gimed e pi got, ni gimed gubin ni pifak e en Th’abi Tolang.’

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.

Psalms 96:10

Mogned ngak urngin e nam ni nge lungumed, “I SOMOL e ir e pilung! Fayleng e kan tay nga tagil’ ndabiyag ni ngan mithmitheg; rib yal’uw rogon ni bayi pufthinnag e girdi’.”

Psalms 2:8

Mu ning ngog, mu gu pi’ urngin e nam ngom; ma re fayleng ney ni polo’ e bayi mil suwon ngom.

Deuteronomy 32:43

“Gimed e pi nam, thingar mpininged e sorok ngak e tirok SOMOL e girdi’, ya SOMOL e ma gechignag urngin e pi’in ra thang e pogofan rorad; me fulweg ngak e pi to’ogor rok taban e kireb rorad, me chuweg e kireb ko nam ko girdi’ rok me machalbog nagrad.”

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

Galatia 4:27

Ya be yog e babyor nib thothup ni be ga’ar: “Mu felfelan’, i gur e re pin nir ndawor mu gargelnag e bitir bi’id! Mu tolul ma ga non ni ba ga’ lamam ni kam felfelan’, ni gur e cha’ ndawor mu thamiy e amith ko gargel! Ya fare pin nn’ag e bayi yo’or e bitir rok ngak fare pin ni ka be par ko pumo’on rok.”

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Isaiah 54:1

Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Isaiah 60:6

Pire’ e kamel ni bay rabad u Midian ngu Efah. Bay rabad u Sheba ni kar feked e gol nge incense. Girdi’ e bay ur weliyed e thin ni bfel’ ni murung’agen e tin ke rin’ SOMOL!