Psalms 65:4 - Bible Ni Thothup

⁴ Ba felan’ e pi’in ni kam mel’egrad, ni kam fekrad ni ngar pired u lan e naun rom nib thothup! Bayi gaman u wun’mad e pin’en ni bfel’ ni bay ko naun rom, ni aram fare Tempel rom nib thothup!

Psalms 65:4 Referans Kwoze

Psalms 84:4

Rib felfelan’ e pi’in yad be par u lan e Tempel rom, ni gubin ngiyal’ ni yad be yin’ tangin e sorok ngom!

Efesus 1:4

Dawor ni sunumiy e fayleng, ma ke mu’ Got i mel’egdad rok ni ngad manged girdi’en u fithik’ Kristus, ni fan e nge yag nda thothupgad ma dariy thibngidad u p’eowchen. Bochan e gadad ba t’uf rok

Psalms 23:6

Fel’ngim ngog nge fanag t’uf rom e rib muduwgil ni bayi un ngog u n’umngin nap’an e yafos rog; ma naun rom e bayi mang tabinaw rog u nap’an e yafos rog.

Psalms 36:8

Gamad be mur ko ggan ni yo’or ni ga be pi’; ka mu pagmad gamad be garbad ko fare lul’ ni aram fel’ngim ni be map’.

Psalms 33:12

Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

Psalms 4:3

Mu ted u wan’med ni SOMOL e ke mel’eg e pi’in nib mat’aw ni nge milfarad ngak, ma be rung’ag lamag nap’an ni gu ra pining.

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

Jeremiah 31:25

Bay gu pasignag laniyan’ e pi’in ke aw porowrad, ma pi’in kar waer gad ni bochan e bilig e bay gu chum’er nagrad ko ggan.

Psalms 63:5

Lanin’ug e bayi mur, me par nike manigil, bay gu tang nigem u fithik’ e felfelan’ ni gu be pining e sorok ngom.

Psalms 15:1

SOMOL, mini’ e rayag ni nge th’um ngalan e Tempel rom? Mini’ e rayag ni nge un ko liyor u Zion, ni fare burey rom nib thothup?

Psalms 24:7

Mbinged mban e pi garog nge mus nga rogon, mbinged fapi mab nike kakrom, nge yib fare pilung ni ga’ ngalan e yoror!

Psalms 17:15

Machane gag, e gu ra guy owchem, ni bochan e kug yal’uw; ma nap’an ni gu ra od, ma ga bay, ni gin gabay riy e ra sugyeg ko felfelan’.

2 Thessalonika 2:13

Pi walagmad ni girdi’en Kristus, thingar gu pininged e magaer ngak Got ni gubin ngiyal’ ni bochmed, ni gimed e pi cha’nir ni gimed ba t’uf rok Somol. Ya Got e mel’egmed ni gimed e som’on ni ngam thapgad ngak Got u gelngin fare Kan ni Thothup ngu daken e michan’ romed ko tin nib riyul’, me ngongliymed ngam manged girdi’en nib thothup.

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

2 Kronicles 6:39

ma aram ma ga motoyil ko pi meybil rorad. U tabnaw rom u tharmiy e ngam motoyil ngorad riy ma ga runguyrad ngam n’agfan u wun’um urngin e pi denen rok e girdi’ rom.

Psalms 38:5

Bochane e balyang rog, ma ke ubchiya’ e pi malad rog ma ke yan gal’ochngin.

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.