Psalms 63:1 - Bible Ni Thothup

¹ A Got, i gur e Got rog, ku gum’ ni bocham. Polo’ i gag ni be yim’ ni bocham; ni bod rogon e belel nma yib, ni bod bangi binaw nike mlik, nike finey e ran.

Psalms 63:1 Referans Kwoze

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Psalms 84:2

Kari gum’ ni bochan ni ngub ngaram! Kari gum’ ni bochan ni ngu’un ngalan e yoror rok SOMOL. Polo i gag ni gu be tangnag e felfelan’ ngak fare Got ni be par ni bafos.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Psalms 91:2

e rayag ni ga’ar ngak, “I gur e manaf rog nge yoror rog! I gur e Got rog; ni gur e bpagan’ug ngom.”

Exodus 15:2

I SOMOL e ir e yoror rog nib gel; Ir fa’anem nike ayuwegneg ni de buch ban’en rog. Ir e Got rog, ma bay u gog e sorok ngak, ma ir e Got rok e chitamag, bay gu tangnag feni gel gelngin.

Psalms 5:3

ga ma rung’ag lamag ni kakadbul; ra yib e yal’ ngalang mu gu meybil mu gu son ni ngam fulweg taban.

Isaiah 41:18

Bay gu gagiyegnag e lul’ nge yib ko yochi burey ndariy ban’en riy, ma ran ko alublub e bay i yan u lan e pi loway. Daken e ted ni desert e bay gu pingeg nge ngal’ ni lipath, mu gu gagiyegnag e but’ nib mlik e yib e ran ni alublub riy.

John 7:37

Ma chirofen ni ba’aram ni tomur ko madnom e ir e th’abi ga’ fan. Chirofen nem e sak’iy Jesus ngalang nge yog ni ba ga’ laman ni ga’ar, “En nike yib e belel ngak e nge yib ngog nge garbod.

Psalms 118:28

I gur e Got rog, ere gu be pining e magaer ngom; bay gu weliy murung’agem nga feni sorom.

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Psalms 143:10

I gur e Got rog; mu fil ngog rogon ni nggu rin’ e tin nib m’agan’um ngay. Mu gol ngog, ma ga pow’iyeg ko kanawo’ nib pach.

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Hosea 5:15

“Bay gu digey e girdi’ rog nge mada’ ko ngiyal’ nike gaman e gafgow rorad ni puluwon e denen rorad miyad gayeg. Sana yad ra gafgow miyad guy rogon ni ngar pir’eged gag.”

Psalms 78:34

N’apan nra li’ bochiyad, me cheal e tin kabay ngar sulod ngak; miyad pi’ keru’rad ko denen rorad miyad parnag e meybil.

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 31:14

Machane ba pagan’ug ngom, A SOMOL; gur e Got rog.

BABYOR NI JOB 8:5

Machane mu cheal e chiney ngam wenig ngak Got ni Gubin Rayag Rok;

1 Samuel 22:5

Ma aram me yib Gad ni profet ngak David me ga’ar, “Dab mu par u roy; mman ni kachine’ ko fare nam nu Judah.” Ma aram me chuw David nge yan ko fare loway nu Hereth.

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Jeremiah 31:1

Be ga’ar SOMOL, “Bay ba ngiyal’ ni be yib ni bay gu par ni kugmang Got rok urngin e pi ganong nu Israel, ma bay ra manged girdi’eg.

Isaiah 35:7

ma yan’ ni be yik u desert e bayi ngal’ ni bangi lipath, ma yungi but’ nike mlik e bayi sug ko alublub. Ma gin i par e gamanman ni jackal riy e bay i tugul e pan nge ro’uy riy.

Exodus 17:3

Machane kari gel e belel ngak e girdi’, mu ur gun’gun’ niged Moses. I lungurad ngak, “Mangfan ni mfekmad nga wuru’ yu Egypt? Bochan e ngam li’mad nriyul’ ko belel, nge pifakmad, nge gamanman romad?”

John 20:17

Me ga’ar Jesus ngak, “Dab mmath ngog, ya dawor gu sul ngak e Chitamag nga tharmiy Machane mman ngak fapi cha’ ni walageg ngamog ngorad ni bay gu sul nga tharmiy ngak fa’anem ni ir e Chitamag me ir e Chitamangimed, ni ir e Got rog me ir e Got romed.”

Psalms 119:81

SOMOL, ke aw parwog ni gu be son nagem ni ngam ayuwegneg; ku gu tay e pagan’ rog ko thin rom.

Matthew 12:43

“Nap’an nra chuw ba mo’onyan’ u fithik’ be’, mi i yan u daken e ted ndariy e ran riy ni be changarnag bang ni nge gif ngay. Ma fa’anra dabi pir’eg bang ni nge par riy,

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Tang Ko Pitang 5:8

Mmicheged ngog, gimed e ppin nu Jerusalem, ni fa’anra mu pir’eged e en gamareg, migmed yog ngak ni kug m’ar ni gube yik’ nga chogowen.

2 Samuel 15:28

Bay gu son u lan e loway ko gin ni yima th’ab e lul’ riy nga baraba’ nge yan i mada’ ko ngiyal’ ni bayi taw e thin romed ngog.”

1 Kronicles 16:14

I SOMOL e Got rodad; tin keyog ni ngan rin’ e fan ko fayleng ni ga’ngin.