Psalms 62:1 - Bible Ni Thothup

¹ Gu be gum’an nigeg gu be sonnag Got ni nge ayuwegneg; kemus ni ir e gu ma toer ngak.

Psalms 62:1 Referans Kwoze

Psalms 62:2

Kemus ni ir e be yororiyeg mma mat’aw nigeg ngak; ir e ma n’ufeggeg, ni dariy e n’en nra rin’ mu gu waer.

Lamentations 3:25

I SOMOL e ba gol ko pi’in ni karted e pagan’ rorad nga daken,

Psalms 33:20

Ke lagan’dad ngak SOMOL; ir e yoror nge ta’ayuw rodad.

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

James 5:7

Pi walageg ni girdi’en Kristus, mpired ni gimed ba gumaen’ nge mada’ ko ngiyal’ ni bayi sul Somol riy. Mu guyed feni gumaen’ e en nma woldug nga rogon nma sonnag e woldug rok ni nge yib limngun ara wom’ngin nri ba ga’ fan ngak. Ma sonnag e ngiyal’ ni som’on ko n’uw nge ngiyal’ ni tomuren e n’uw u fithik’ e gumaen’.

Isaiah 40:31

Machane pi’in yad be toer ngak SOMOL ni nge ayuwegrad e bay ra pir’eged nike yib gelngirad bayay. Bay ra changeggad ngalang ni bod e arche’ ni eagle; yad ra mil, ma dab ra magaergad; ma yad ra yan, ma dabi m’ay gelngirad.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Psalms 40:1

Gu son gu sonnag e ayuw rok SOMOL; me motoyil ngog me rung’ag lamag ni gu be wenig ngak ni nge ayuwegneg.

Psalms 123:2

Bod ba tapigpig nma toer ngak e masta rok, bod ba yarif nma toer ngak e re bpin nma pigpig ngak, ere aram rogon ni kayiggu changargad ngom, i gur SOMOL ni Got romad, nge taw ko ngiyal’ nike wurengan’um ngomad.

Lamentations 3:38

Fel’ fa kireb e ta’reb rogon, nma m’ug fe buch ni ir e keyog.

Psalms 121:2

SOMOL e ma yib e ayuw rok ngog, ni Ir e sunumiy e tharmiy nge but’.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

1 Kronicles 25:1

David ni Pilung nge pi’in yad ma yog e thin rok e pi Levite e ra mel’eged e yuke girdi’ ni ba’aray ko Levi ni ngar gagiyeg niged rogon gam’ingin e liyor: Asaf, Heman, nge Jeduthun. Yad e ngar wereged e thin rok Got, nib mu’un e musik ko harp nge cymbal ngay. Irera’ babyoren e pi girdi’ nmel’eg ni nge gafaliy fare liyor, nib mu’un ngay mmit i pigpig u reb e ulung:

Psalms 37:39

I SOMOL e ra thapeg e pi’in yad mmat’aw, me yororiyrad ko ngiyal’ nike yib e oloboch ngorad.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Jeremiah 3:23

De yib e ayuw ngomad ko pigpig ni ug ted nga yug boch e got u daken p’ebugul e burey. Ayuw ni fen yu Israel e kemus ni SOMOL ni Got romad e ma yib rok.

Psalms 77:1

Gu yor nib ga’ lamag ngak Got; gu yor nib ga’ lungug me rung’ag lamag.

Psalms 65:1

A Got, girdi’ e thingar ur pininged e magaer ngom u Zion miyad pi’ ngom e tin rmicheged ni bay ra pi’ed ngom,

Psalms 39:1

Mug ga’ar, “Bay gu kol’ayuw ko n’en ni gu be rin’ ma dab gu pag bolowtheg nge k’aring e denen ngog; Bay gu par ni dab gog ban’en, u charen e girdi’ nib kireb.”

Psalms 25:5

Mfil ngog ngu’ug par ni gu ba yal’uw ko thin rom; ya gur e Got rog, ni ga ma aywegeg. Pagan’ug ngom ni gubin ngiyal’.

1 Kronicles 25:3

Fa nel’ i pagel ni fak Jeduthun: Gedaliah, Zeri, Jeshayah, Shimei, Hashabiah, nge Mattithiah. Chitamangirad e ir e nge pow’iyrad, ni ngar wereged e thin rok Got, nib dachug ngay e musik ko harp nge tang ko sorok nge ogmagaer ngak SOMOL.