Psalms 6:4 - Bible Ni Thothup

⁴ SOMOL, moy ngam ayuwegneg; u fithik’ e runguy rom e ngam lageg riy ko yam’.

Psalms 6:4 Referans Kwoze

Daniel 9:18

Got, mu telim ngomad; mu sap ngomad ngam guy e gafgow ni kug pired nga fithik’ nge gafgow nike tay fare binaw ni kan tunguy fithingam ngay. Gamad be meybil ngom ya ga ma runguy e girdi’, ma gathi bochan e kug rin’ed e tin nib mat’aw.

Psalms 17:13

SOMOL, moy! Mu cham ko pi to’ogor rog ngam gel ngorad! Mu aywegeg ko saydon rom u pa’ e pi’in kireb;

Malaki 3:7

Gimed bod e pi chitamangimed ni kakrom, ya kam pi’ed keru’med ko pi motochiyel rog dakumur folgad riy. Mu chealgad ngam sulod ngog, mu gu cheal nggu sul ngomed. Machane gimed be fith ni be lungmed, ‘Mang e thingar gu rin’ed me yag ni ngug chealgad nggu sulod ngom?’

Psalms 121:7

I SOMOL e ra yororiyem rok urngin e riya’; me tem ndabi buch ban’en rom.

Psalms 116:4

Ma aram mu gu pining SOMOL ni lungug, “SOMOL, wenig ngom mu ayweg e pogofan rog!”

Psalms 90:13

A SOMOL, uw n’umngin nap’an ni ngki par e damumuw rom? SOMOL mu runguy e pi tapigpig rom!

Psalms 80:14

Got ni Gubin ma Rayag Rok, mu sul ngomad! Mu changar u tharmiy ngomad nga but’; moy ngam ayuweg e girdi’ rom!

Psalms 22:20

Mu yororiyeg ko saydon; ma ga ayuweg e pogofan rog ko pi pilis ney.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Isaiah 38:17

Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Psalms 120:2

SOMOL, mu chuwegeg u pa’, e pi sasalap l’ugun nge pi ta ban.

Psalms 116:8

I SOMOL e ke chuwegeg ko yam’; ke taleg lu’ag ke teg nde yag ni nga ni gel ngog.

Psalms 86:13

Rib ga’ e t’ufeg rom ngog ni fare t’ufeg ni dabimus! Kam ayuwegneg u pa’ e yam’.

Psalms 69:13

Machane gag e bay gu meybil ngom, i gur SOMOL; Got, mu fulweg taban e meybil rog ko ngiyal’ ni kam turguy ni bochan ga’ngin e t’ufeg rom’, ya gab yul’yul’ ko tin ka mu micheg ni ga ra ayuwegey.

Psalms 25:7

Mu n’ag fan u wun’um e pi denen rog nge tin ug oloboch riy ko ngiyal’ ni ku gub pagel; SOMOL, dab mu pag tilig, ya ga ba gol ma t’ufeg rom e dabimus!

Psalms 13:2

Uw n’umngin nap’an nthingar gu lubeg e gafgow? Uw n’umngin nap’an ni nge suguy e kireban’ lanin’ug ni rran nge nep’? Uw n’umngin nap’an ni nge gel e to’ogor rog ngog?

Psalms 74:10

A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

Psalms 79:5

SOMOL, ga ra par ni gab damumuw ngomad ni dariy n’umngin nap’an? Ra par e damumuw rom ni be yik’ ni bod ba nifiy ni dabital?