Psalms 58:4 - Bible Ni Thothup

⁴ Yad ba sug ko yub ni bod e pi porchoyog; kar ninged telrad ni bod ba porchoyog ni kobra nib baling,

Psalms 58:4 Referans Kwoze

Psalms 140:3

Bolowtherad e bod e porchoyog ni tak’ad; ma pi thin rorad e bod e yub rok e porchoyog ni kobra.

James 3:8

Machane dariy be’ ni ka’a yag rok ni nge llowan’nag bolowthey. Ya ban’en nib kireb ndabiyag ni ngu’un gagiyegnag, ma ba sug ko yub ni yira yim’ ngay!

Eklesiastes 10:11

Dariy angin ni ngam mongmoreg ba porchoyog ni fa’anra mu pag nge k’adem u m’on.

Roma 3:13

K’angrad e bod ba low ko yam’ nike mab. Be lobeb e sasalap l’ugun nib kireb u bolowthrad nga but’, nge thin nib kireb ni be yib u dap’i l’ugunrad nga but’ ni bod rogon e yub rok e porchoyog;

Matthew 23:33

Gimed e porchoyog nge pi’in pifak e porchoyog! Uw rogon ni gimed be finey ni ngam thaygad ko gechig ni bay ntay ngomed u fithik’ e nifiy?

Matthew 3:7

Ma fa’ani guy John e Farise nge Sadduse ni pire’ ni karbad ngak ni nge tawfe nagrad, me ga’ar ngorad, “Gimed e pi porchoyog nir — mini’ e keyog ngomed nrayag ni ngam thaygad ko damumuw rok Got ni bayi taw?

Jeremiah 8:17

“Mu kol ayuwgad!” I SOMOL e be non, “Bay gu pi e porchoyog nga fithik’med, porchoyog ni yub ni dabyag i taleg, ma bay ra k’aded gimed.”

Isaiah 11:8

Mus ko bitir ni ka ba’achig ndabi buch ban’en rok ni fa’anra i fafal nib chugur ngak ba porchoyog ni bay e yub u l’ugun.

BABYOR NI JOB 20:16

N’en nike ful’ be’ nib kireb e bod e yub; ra yim’ riy ni bod nike k’ad ba porchoyog ni bay e yub rok.

BABYOR NI JOB 20:14

Machane lan yin e ra pig fapi ggan nge mo’oy riy, ni bod feni mo’oy e yub.

Deuteronomy 32:33

ma yad bod e wayin nni ngongliy ko yub ni yima fek u l’ugun e porchoyog.

Genesis 3:2

Me fulweg fare pin ni ga’ar, “Demturug e re ke gek’iy ni bay ko gi woldug ney ma gamow ra kay wom’ngin,

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

Psalms 51:7

Mu chuweg e denen rog nggu be’ech; mmaluk nigeg, ya nge gel e wechwech rog ko ayis.