Psalms 51:16 - Bible Ni Thothup

¹⁶ Dabum e gamanman ni yibe li’ ngan pi’ ngom ni maligach, fa’an mang e ga ba’adag ma kug pi’ ngom; de fel’ u wun’um e pi maligach ni mo’oruf.

Psalms 51:16 Referans Kwoze

Psalms 40:6

Gathi gamanman ni maligach nge pin’en ni yima pi’ ngom e ir e ga ba’adag; fa gamanman ni ka ni urfiy nib polo u daken e altar, ara pi maligach ni nge chuweg e denen. Ya ka mu pi’ telig ni nggu rung’ag e thin rom ngay,

Hosea 6:6

T’ufeg ni gubin ngiyal’ e aram e n’en ni gu ba’adag, ma gathi gamanman romed ni maligach. Ku gu ba’adag ni nge nangeg e girdi’ rog ko bin ngu’un urfiy e maligach ngu’un pi’ ngog.

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.

Psalms 51:6

Tafinay nib yul’yul’ e ir e ga ba’adag; mu suguy lanin’ug ko gonop rom.

Proverbs 21:27

I SOMOL e ba fanenikay e ngiyal’ nma pi’ e pi’in kireb e maligach ngak, nri ngiyal’ yad ma pi’ nib kireb fan u wan’rad.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Psalms 50:8

Dagur puwan’ ngomed ni bochan e pi maligach romed nge pi maligach ni mo’oruf ni gimed be fek i yib ngog ni gubin ngiyal’.

Jeremiah 7:27

“Ere gur Jeremiah, e ngam weliy urngin e pi thin ney ngorad, machane gathi bay ra motoyilgad ngom; bay mu piningrad, machane dab ra fulweged lungum.

Deuteronomy 22:22

“Fa’an yira pir’eg be’ nib mo’on ni yow be par le’engin yug reb e pumo’on, ma yow l’agruw ni yira thang e pogofan rorow. Irera’ kanawo’en mi gimed chuweg e mitney e kireb u fithik’med.

Numbers 15:27

Fa’anra ta’abe’ e ke denen ni kal riy, ma nge pi’ ba kaming ni bpin nike gaman e ta’reb e duw yangren nib maligach ni fan ko denen rok.

Exodus 21:14

Machane ra damumuw be’ nge li’ be’ nge yim’ ni leam rok, ma dariyfan nike mil ko altar rog ni nge dabi buch ban’en rok, ya yira thang e fan rok.

Numbers 35:31

Cha’ nra li’ be’ ngem’ e thingar ni thang e iip pogofan rok. Dabiyag ni nge thay ko gechig ni fa’anra salpiy e nge pi’ ni puluwon.

2 Samuel 12:9

Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

Psalms 71:15

Bay gu weliy fal’ngim; polo’ e rran ni bay u gog rogon ni ga ma mat’aw nigey, ni yug aram rogon nde gaman e nangan’ rog riy.