Psalms 51:11 - Bible Ni Thothup

¹¹ Dab mu n’igeg nggu chuw u p’eowchem; dab mu chuweg rog fare Kan Nthothup rom.

Psalms 51:11 Referans Kwoze

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

2 Kings 13:23

machane SOMOL e ba gol mma runguyrad. Ma de pagrad nge math owcharad, machane ayuwegrad ni bochan e m’ag rok u thilrad Abraham, Isaak, nge Jakob. Dariy bangiyal’ nike pagtalin e girdi’ rok.

Roma 8:9

Machane damur ngongolgad ni bod rogon ni be yog e dowef romed ngomed; gimed be ngongol nrogon ni be yog fare Kan ni Thothup ngomed — ni fa’anra riyul’ ni be par e Kan ni Thothup u fithik’med. En ndariy rok fare Kan ni Thothup rok Kristus e gathi reb i girdi’en.

Genesis 6:3

Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”

John 14:26

Ma en ni bay i ayuwegmed e aram fare Kan Nthothup ni en ni Chitamangiy e bayi l’oeg nge yib ni owcheg, ma bayi fil urngin ban’en ngomed, me ayuwegmed nge mit ngomed urngin e tin kug weliy ngomed.

Luke 11:13

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere en ni Chitamangiy ni bay u tharmiy e ri ra pi’ fare Kan Nthothup ngak e pi’in yad ra ning ngak!”

Psalms 71:18

A Got, chiney ni kug pilibthir ma ke mat lolgeg, e dab mu n’igeg! Mu par rog ko ngiyal’ ni gu be weliy gelngim nge fenam gel ngak gubin e mfen ni bayib.

1 Samuel 16:14

Fare gelngin SOMOL e chuw rok Saul, me pi’ SOMOL ba kan nib kireb nge yib i ying ngak Saul ngi i gafgownag.

1 Samuel 10:10

Fa’ani taw Saul nge fare tapigpig rok nga Gibeah, miyad mada’ fare ulung i profet. Me yib fare gelngin Got nga daken nib tomgin, me un ngorad ko churu’ nge tolul.

Judges 16:20

Me tolul Delilah ni ga’ar, “Samson! Ke yib e piyu Filistia!” Me od me ga’ar u wan’, “Bay kug gel nigeg mu gu thay ni bod gubin yay.” Ma de nang nike chuw SOMOL rok.

2 Thessalonika 1:9

Bay ra gafgowgad ko gechig ni ngan pi’ ngorad ni aram e gafgow ni ngar ted ndariy n’umngin nap’an, ma kan tayrad ngabang ndab ra uned ko gin ni bay Somol riy ma dab ra guyed gelngin Got nib th’abi fel’,

Psalms 71:9

Dab mu pi’ keru’um ngog e chiney ni kug pilibthir; dab mu n’ageg e chiney ni kug me’waer.

2 Kings 24:20

Me ri damumuw SOMOL ngak e girdi’ nu Jerusalem ngu Judah me n’agrad.

2 Samuel 7:15

Machane gathi bay gu par ndab kug ayuweg ni bod ni gu rin’ ngak Saul, ni gag e gu chuweg ni fan e nge mang gur e mpilung.

Judges 15:14

Fa’ani taw nga Lehi, me mil piyu Filistia i yib ngak ni yad be tolul ngak. Me yib gelngin SOMOL ngak nge gel, me gelnag ir nge math’math’ e gaf ni kanm’ag nga pa’ ni bod e tret nni urfiy.

Jeremiah 7:15

Bay gu tulufmed ngam chuwgad u p’eowcheg ni bod ni gu rin’ ngak e girdi’ romed, ni girdi’ nu Israel. I Gag SOMOL e gu be non.”

Psalms 43:2

Got, i gur e manaf rog, mang ni kam pageg? Mang nthingar ug gafgow ko kireb nib gel ni be rin’ e pi to’ogor rog ngog?

Genesis 4:14

Chiney e ngam chuwegeg ko re gi but’ ney ngu p’eowchem. Bay gu par ni dariy e naun rog mu ug malethay u fayleng i yan, ma demturug be’ nra mada’ nigeg me li’eg nggum’.”

Roma 1:4

ma rogon ni ir Got nib thothup e dag Got gelngin nib gel ni be micheg ni ir Fak Got, ni bochan e faseg ko yam’.

2 Kings 23:27

Me ga’ar SOMOL, “Bay gu rin’ ngak yu Judah e n’en ni kug rin’ ngak yu Israel, bay gu chuweg e girdi’ nu Judah u p’eowcheg, mu gu n’ag yu Jerusalem, ni fare binaw ni gag e gu duwgiliy ni nge mang binaw rog, nge fare Tempel ni gog ni aram e gin ni ngan meybil riy ngog.”

Judges 13:25

Me tabab fare gelngin SOMOL i gagiyegnag u nap’an ni bay ko gin be par piyu Dan riy e ngiyal’nem u thilin yu Zorah nge yu Eshtaol.