Psalms 50:4 - Bible Ni Thothup

⁴ Be pining e tharmiy nge fayleng ni ngar mangew mich ni yow be guy ni be pufthinnag e girdi’ rok.

Psalms 50:4 Referans Kwoze

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Deuteronomy 32:1

“Fayleng nge lanelang, mu telmew ko thin rog, mu uthumew telmew ko tin nggog.

Deuteronomy 31:28

Mu ulunguyed nga p’eowcheg urngin e pi ilal ko pi ganong romed, nge pi tolang romed, ya nge yag ni gu weliy ngorad e pi thin ney; bay gu non ngak e tharmiy nge fayleng ngar mangew mich rog nib togopluw ngorad.

Deuteronomy 4:26

Fa’anra dab mu folgad rog, ma gu be pining e tharmiy nge fayleng e daba’ ngar mangew mich nib togopluw ngomed, ni dabi n’uw nap’an min thang owchamed u daken e re nam nem. Ma, re nam nem u ba’ nem e Jordan ni aray e ngam marod mpired ngay e, dabi n’uw napmed riy. Ya bay ni thirifmed u but’.

Deuteronomy 30:19

Kug pining e tharmiy nge fayleng ni ngar mangew mich romed e daba’, ya kug tay nga puluwmed e yafos nge yam’, fel’wa’athan nge buchwa’athan; ni gimed e ngam mel’eged. Mmileg’ed e yafos.

Psalms 98:9

ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

Psalms 96:13

nap’an ni bayi yib SOMOL ni nge gagiyegnag e fayleng. Bayi gagiyegnag girdi’en e fayleng nib mat’aw rogon, ma dabi laniyan’.

Psalms 50:6

Tharmiy e be weliy feni bmat’aw Got, ya ir e ma pufthin.

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.

Jeremiah 2:9

“Ere Gag SOMOL e bay gog bayay e tin gu be togopluwnag ngak e girdi’ rog. Bay gu fek i yib e pin’en ni nggu togopluwnag ngak e pi’in owcharad.