Psalms 50:22 - Bible Ni Thothup

²² “Motoyilgad ko ren’ey, gimed e pi’in gimed be fekyathig, ya ri gu thang owchamed, ma dariy be’ nra ayuwegmed.

Psalms 50:22 Referans Kwoze

BABYOR NI JOB 8:13

Girdi’ nde nang Got e yad bod e pi uchel nem; lagan’ rorad e ra m’ay, u nap’an ni yad ra pagtalin Got.

Psalms 9:17

Yam’ e ir ra yan i mus e pi’in kireb ngay, ni gubin e pi’in nra paged Got.

Hosea 4:6

Girdi’ rog e kan thirifrad u but’ ya dakriy madgug u wun’rad. Gimed e pi prist e kam pi’ed keru’med ngog, are nggu n’agmed ni dabkum manged prist rog. Ma bochan e kam paged talin e motochiyel ko Got romed, ma aram e bay kug pag talin pifakmed ni pumo’on.

Psalms 7:2

ya ra dangay, ma bay ra fekedgag ni bod ba gamanman ni layon ko gin ndariy be’ riy ni nge ayuwegneg, ngar popofedgag u rom.

Hosea 13:8

Bay gu cham ngomed ni bod ba gamanman ni bear ni kan leag pifak rok, ma bay gu popofmed. Bay gu languymed u luwmed ni bod rogon ba layon, mu gu popofmed ngam pired ni nochyang, ni bod rogon nma rin’ ba gamanman ni malboch.

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.

Amos 2:14

Mus ko pi’in yad mmachreg ko mil ma dabiyag ni ngar thay gad; ma pi’in yad ba gel e bayi m’ay gelngirad, ma pi salthaw e dabkiyag rorad ni ngar ayuweged e pogofan rorad.

Isaiah 51:13

Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

2 Samuel 22:42

Yad be gayiy e ayuw, ma dariy be’ nrayag rok ni nge ayuwegrad; yad be non ngak SOMOL, machane der fulweg lungurad.

Luke 15:17

Ma aram e fini sulan’ ngak me ga’ar u wan’, Urngin e girdi’ ni be pi’ e chitamag puluwrad yad be maruwel rok e pire’ garad nder m’ay i kay rorad, mi gag e ray ni nggum’ ni bochan e bilig!

Haggai 1:5

Damur guyed e n’en ni be buch romed?

Ezekiel 18:28

Ya kenang ni tin be rin’ e ba kireb me tal ndaki denen, ere mmudugil ndabi yim’, ya ra par nib fos.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Hosea 5:14

Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Eklesiastes 7:14

Fa’anra ga be par ni bfel’ rogon e gubin ban’en u puluwom, ma nge felfelan’um, ma nap’an nra yib e magawon, ma nge yib ngan’um: ni Got e ma pi’ e felfelan’ nge gafgow; I gur e dariy e ngiyal’ ni ga ra nang ko mang e migid ni nge yib.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

BABYOR NI JOB 10:7

Ga manang nde buch e rog, ma dariy be’ nrayag rok ni nge ayuwegneg u pa’am.

Psalms 9:18

Ma pi’in bt’uf e ayuw rorad e gathi gubin ngiyal’ ni yira pagtilrad; ma n’en nma l’agan e pi’in gafgow ngay e dabi par nib masengseng ni dariy n’umngin nap’an.