Psalms 50:14 - Bible Ni Thothup

¹⁴ Ogmagaer e nge mang maligach romed ngak Got, mu pi’ed ngak e en ni Gubin ma Rayag Rok gubin e tin ni kam og niged.

Psalms 50:14 Referans Kwoze

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.

Psalms 56:12

A Got, bay gu pi’ ngom e n’en ni kug micheg; bay gu pi’ ngom e maligach rog ni ogmagaer,

Deuteronomy 23:21

“Nap’an ni gimed ra mownag ban’en nga fithingan SOMOL ni Got romed, ma dab mmon’ed yaran e tin ka mu micheged ni ngam rin’ed. I SOMOL e bayi tay ngan’ e tin ka mu mow niged, ma ba denen ni fa’anra dab mu ted u gil’.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Hosea 14:2

Mu sulod ngak SOMOL, mi gimed meybil ngak ni nge lungumed, “Mu n’ag fan urngin e denen romad, me fel’ u wun’um e meybil romad, ma gamad pining e sorok ngom ni bod ni ku gogned ngom ni gamad ra rin’.

Psalms 76:11

Mu pi’ed ngak SOMOL ni Got romed e tin kam micheged ngak; gimed gubin e pi nam ni gimed ba chugur, mu feked e tow’ath romed i yib ngak. Got e ma gagiyegnag e girdi’ ngar rusgad ngak;

1 Thessalonika 5:18

demturug e n’en nra yib ngomed ma gubin ngiyal’ ni ngu’um pininged e magaer ngak Got. Ireray e tin ni ba’adag Got ni ngam rin’ed e pi’in kam manged girdi’en Kristus Jesus.

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

Psalms 50:23

Ogmagaer e ire re maligach nri ma tayfag, ma rib mich ni gu ra ayweg e pi’in yad ma fol rog.”

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Nahum 1:15

Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.

Psalms 147:1

Mu pining e sorok ngak SOMOL! Rib manigil ni nganon’ tangin e sorok ngak e Got rodad; rib fel’ ma ba mat’aw ni ngan pining e sorok ngak.

Psalms 65:1

A Got, girdi’ e thingar ur pininged e magaer ngom u Zion miyad pi’ ngom e tin rmicheged ni bay ra pi’ed ngom,

Psalms 27:6

Pi to’ogor rog ni karon’edgag nga longob e bay gu uf ni kug gel ngorad. Bay ug pi’ e maligach ngak SOMOL u lan e Tempel rok ni kug pi’ lamag ngalang u fithik’ e felfelan’; bay gu tang, bay gu pining e sorok ngak SOMOL!

Psalms 22:25

Ra sug e girdi’ ngalan tafen e mu’ulung ma gu ra pining e sorok ngom ko tin kam rin’; ma fithik’ e pi’in yad ma liyor ngom e bay gu pi’ e pi maligach riy ni bod rogon ni gu micheg.

Psalms 61:8

Gubin ngiyal’ ni bay gon’ e tang ni gu be pining e sorok ngom, ko ngiyal’ ni gu be pi’ ngom ni yu rran e n’en ku gu micheg.

Deuteronomy 23:22

De denen ni fa’anra dab mu mow niged ban’en nga fithingan SOMOL,

Deuteronomy 23:23

machane ngam kol’ayuwgad ni dabisiy ni ngam rin’ed e n’en nike thay u langmed, ya gimed e lanin’med ni ngam mow niged u fithingan SOMOL ni Got romed nu langmed e mu micheged riy.

Deuteronomy 23:24

“Nap’an nra gimed be yan u ba kanawo’ ni yan u daken e milay’ ni grape rok be’, mrayag ni ngam ked urngin i wom’ngin e woldug ni grape ni gimed ba’adag, machane dab mu afed boch ngalan ban’en ngam feked.

BABYOR NI JOB 22:27

Nap’an ni ga ra meybil me fulweg taban, ma ga tay nga tagil’ e tin mmicheg ngak ni ga ra rin’.

Psalms 22:26

Pi’in ndariy ban’en rorad e yad ra kay urngin e tin yad ba’adag; pi’in yad be yib ngak SOMOL e bay ra pininged e sorok ngak. Manga yu gur pired ni bfel’ rogorad ndariy n’umngin nap’an!

Psalms 69:32

Ra guy e pi’in ni gafgow ni aray rogon miyad felfelan’; mra pi’ e athamgil nga laniyan’ e pi’in yad ma meybil ngak Got.

Psalms 76:12

ma sobut’nag lanyan’ pipifak e pilung ni tolngan’rad, ma k’ar marus ngak e pi pilung nib gel.

Nahum 2:1

Nineveh, kan mael ngom! Fare gelngin ni nge biligem e ke yib. Mu fal’eg rogon e talin e cham rom! Mu matanagiy e kanawo’! Mu fal’eg rogom ko mael! (