Psalms 5:7 - Bible Ni Thothup

⁷ Ma bochan ga’ngin e t’ufeg rom ma ke yag ni gub nga naun rom; ma ke yag ni nggu’un ko liyor u lan e Tempel rom nib thothup nggu siro’ ngom u fithik’ e liyor.

Psalms 5:7 Referans Kwoze

Psalms 138:2

Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.

Psalms 132:7

Me lungumad, “Ngdarod ko naun rok SOMOL; mired ngdarod ngad liyorgad ngak u p’eowchen ko gin ntagil’!”

Psalms 69:13

Machane gag e bay gu meybil ngom, i gur SOMOL; Got, mu fulweg taban e meybil rog ko ngiyal’ ni kam turguy ni bochan ga’ngin e t’ufeg rom’, ya gab yul’yul’ ko tin ka mu micheg ni ga ra ayuwegey.

Hebrews 4:16

Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Daniel 6:10

Fa’ani nang Daniel ni kan sayin ko fare gi babyor, me yan nga tabinaw. Ma bay ba senggil ko thal ni lang ko naun rok nib sap e winda riy nga Jerusalem. Bod ni ku ma rin’ ni gubin e rran, ma garbug nga but’ u langan e winda rok nib mab nge meybil ngak Got ni dalip yay u reb e rran.

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

1 Kings 8:38

ma ngam motoyil ko meybil rorad. Ma ra bay e girdi’ rom nu Israel nike kalngan’ miyad pug pa’rad ngalang ni yad ba sap ko re Tempel ney ngar meybilgad,

Isaiah 64:11

Tempel romad nib thothup ma bfel’ ya’an ni i pining pi chitamangimad ni kakrom e magaer nge sorok ngom riy, e kan urfiy; urngin e yungi n’en nib t’uf romad e kan kirebnag.

Psalms 69:16

SOMOL, mu fulweg taban e meybil u fanam gol ko fare t’ufeg rom ni dabimus; mu changar ngog u fithik’ gelngin e runguy rom ni ba ga’!

Psalms 55:16

Machane gu be ning e ayuw ngak SOMOL ni Got, ma bayi ayuwegneg.

Psalms 52:8

Me gag e gu bod bake gek’iy ni olive ni galunglung u lane naun rok Got; Ke pagan’ug ko t’ufeg rok ni dabi mus ni manechibog ko pi chibog.

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

Psalms 28:2

Mu rung’ag lungug u nap’an ni gu ra man ayuw ngom, ko ngiyal’ ni ku gu chibiy pa’ag ngalang ko Tempel rom nib thothup.

1 Kings 8:35

“Ra denen e girdi’ rom ni kar togopluwgad ngom ma ga tel e n’uw rorad ni aram e kam gechig nagrad, miyad kalngan’ ngar pi’ed keru’rad ko kireb miyad sap ko gin ni bay e re Tempel ney riy ngar meybilgad ngom u fithik’ e liyor,

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Psalms 34:17

Ra non e pi’in nib mat’aw ngak SOMOL me motoyil; me lagrad u fithik’ urngin e oloboch rorad.

Psalms 101:7

Dariy ba sasalap l’ugun nra par u naun rog; dariy be’ nma dake modingnag ir nra par u p’eowcheg.

Proverbs 6:16

Medlip ban’en ni bay ndabun SOMOL ni dabyag ni nge k’adan’ riy: changar ni ufanthin, ba yunmon nma lifith e thin, pa’ef nma thang e pogofan rok e girdi’ ndawor ra bucheged ban’en, ba leam nma tanomnag e kireb, rifrifen ay nma gur ni nge yan i ngongliy e kireb, be’ ni ir e mich u ban’en ni go’ malfith e i weliy, nge be’ nma k’aring e oloboch nga thilin e pi tafager.