Psalms 47:9 - Bible Ni Thothup

⁹ Pi pilung ko pi nam e kar mu’ulunggad girdi’en fare Got rok Abraham. Ba gel gelngin ngak urngin raba’ e salthaw; ir e be gagiyegnag urngin ban’en!

Psalms 47:9 Referans Kwoze

Psalms 89:18

A SOMOL, i gur e ka mmel’eg en nge yororiymad; gur, fare Got Nthothup nu Israel, e mu pi’ ngomad e pilung romad.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Exodus 3:6

I gag fare Got rok e chitamam, ni fare Got rok Abraham nge Isak nge Jakob.” Me upunguy Moses owchen, ya ke tamdag ni nge changar ngak Got.

Galatia 3:29

Fa’anra ke mil suwmed ngak Kristus, me ere kam manged pi owchen Abraham, ni aram e bayi yag ngomed e tin ni ognag Got nra pi’.

Proverbs 30:5

“I Got e der ma thilyeg e tin ke micheg. Ir e bod rogon bangi shield ngak urngin e pi’in yad ma gaweg e ayuw rok.

Psalms 97:9

SOMOL ni Gubin ma Rayag Rok, gur e tagagiyeg ko fayleng ni polo’; ga ba ga’ ngak gubin e got.

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Matthew 22:32

‘I gag fare Got rok Abraham, nge Got rok Isak, nge Got rok Jakob.’ Fan e ren’ey e ir e Got rok e girdi’ nib fos ma gathi Got rok e girdi’ nib yam’.”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Exodus 3:15

Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.