Psalms 45:7 - Bible Ni Thothup

⁷ bt’uf rom e n’en ni bfel’ ma dabum e n’en nib kireb. Aram fan ni Got, ni ir e Got rom, e ke mel’egem ke pu’og e felfelan’ ni yo’or nga dakenam ni dabi ta’reb rogon ngak boch e pilung.

Psalms 45:7 Referans Kwoze

Hebrews 1:9

Ma ngongol nib mat’aw e ir e ba t’uf rom ma fanenikam e ngongol nde mat’aw, ireray fan ni Got, ni ir e Got rom, e ke mel’igem, ma tayfan nike tay ngom e ri ka ba ga’ e felfelan’ nike yib riy ngom ko felfelan’ nike pi’ ngak e pi’in yad be un ngom.”

Psalms 21:6

Pi fal’eg wa’ath rom e bay rok ni dariy n’umngin nap’an, mab sug ko felfelan’ ni bochan ni ga bay rok.

Psalms 33:5

I SOMOL e ba t’uf rok e tin nib mat’aw ma ba yal’uw, t’ufeg rog ni dabimus e ke suguy e fayleng.

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Acts 2:28

Kam dag ngog e kanawo’ ni yan ko yafos, ma bay mfelfelan’nigeg ni bochan e ga bay rog.

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

Psalms 101:8

Gubin e rran ni bay gu thirif u but’ e pi’in kireb u daken e but’ rodad; bay gu thurbeg urngin e pi’in kireb e leam rorad ngar chuwgad ko fare binaw rok SOMOL.

John 1:16

U fithik’ e fel’ laniyan’ rok nrib ga’ e ir e ke fal’eg waathdad riy ni gadad gubin ni be tow’ath nagdad nra chuw reb me taw reb.

Psalms 99:4

Pilung nib gel, bt’uf rom e tin nib mat’aw; kam sunmiy e tin nib mat’aw u lan yu Israel; kam fek i yib e tin nib mat’aw ma ba yal’uw.

Roma 8:29

Pi’in ke mu’ i mel’egrad rok Got e ku errogon nike falrad ngabang ni ngar boded e cha’ ni Fak, ya nge par ni en ni Fak e ir e ba ilal u fithik’ e pi walag nem ni yad bpire’.

Psalms 89:26

Bayi ga’ar ngog, ‘I gur e chitamag nge Got rog; gur e yoror nge ta’ayuw rog.’

Psalms 89:20

Ku gu pilungnag David ni tapigpig rog ku gu gapgepnag ko gapgep ni thothup.

Psalms 11:7

SOMOL e bmat’aw, ma ba’adag e wok ni bfel’; pi’in yad ra rin’ e wok ni bfel’ e yad ra par u p’eowchen.

Luke 3:22

me yib fare Kan Nthothup u lang i yib nga daken ni bod ya’an ba arche’ ni dove. Me yib ba lam u tharmiy ni be ga’ar, “I gur Fakag ni gab t’uf rog, kari felan’ug ngom.”

Matthew 3:15

Me fulweg Jesus ngak John ni ga’ar, “Ngad rin’ew e chiney ni aray rogon. Ya ireray kanawo’en ni gadow ra rin’ ma aram e kad rin’ew urngin e tin ni be finey Got.” Ma aram me fel’ u wan’ John.

Psalms 2:2

Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

1 Kings 19:16

nge Jehu nib mo’on ni fak Nimshi nge mang pilung nu Israel. Mu kum liyef e gapgep nga lolugen Elisa ni fak Shafat ni be’ u Abel Meholah nge yan nga luwam nge mang profet.

Levitikus 8:12

Me pu’og boch fare gapgep ni fen e mathiy nga daken lolgen Aron.

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Hebrews 2:14

Pi girdi’ nem ni be yog e bitir ngorad e yad e girdi’ nni ngongliyrad ni ufin nge racha’, me yib Jesus i ngal’ nib girdi’ nge bod yad, me yag rarogorad ngak nrarogon e girdi’. I rin’ ni aram rogon ni fan e yam’ ni nge tay e nge kirebnag gelngin e mo’onyan’; ya mo’onyan’ e bay e yam’ u pa’,

John 20:17

Me ga’ar Jesus ngak, “Dab mmath ngog, ya dawor gu sul ngak e Chitamag nga tharmiy Machane mman ngak fapi cha’ ni walageg ngamog ngorad ni bay gu sul nga tharmiy ngak fa’anem ni ir e Chitamag me ir e Chitamangimed, ni ir e Got rog me ir e Got romed.”

Luke 13:27

Ma bay ki yog bayay ni ga’ar, Da gu nang e gin kambad riy. Ere mmarod ngam chuwgad rog, ya gimed urngin ni gimed ma rin’ e kireb!

Matthew 7:23

Ma aram e bayi lungug ngorad, ‘Ri da gu nangmed. Mu chuwgad rog, gimed e pi’in gimed ba kireb!’

1 Samuel 16:13

Me fek Samuel fare gapgep ni olive nge gapgepnag David u p’eowchen fapi pumo’on ni walagen. Me yib fare gelngin SOMOL i ying ngak David ngi i gagiyegnag e rofen nem i yan nga m’on. Me sul Samuel nga Ramah.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.