Psalms 37:22 - Bible Ni Thothup

²² Pi’in ke fal’eg Got wa’athrad e bay rtafned e binaw, machane pi’in ke bucheg wa’athrad e bay ntulufrad nga wuru’ e binaw.

Psalms 37:22 Referans Kwoze

Proverbs 3:33

I SOMOL e ma tay e buch wa’athan nga daken e tabnaw rok e pi’in kireb, machane ma fal’eg wa’athan e pi tabnaw rok e pi’in mat’aw.

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

Psalms 37:9

Pi’in nib pagan’rad ngak SOMOL e yad ra tafnay e nam, ma pi’in kireb e bay ni tulufrad nga wuru’ e nam.

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

Psalms 128:1

Ba felan’ e pi’in yad ma fol rok SOMOL, ni yad ma par nrogon nike yog.

Psalms 119:21

Ga ma ginaeng e en nib tolngan’; ma ga ma bucheg wa’athan e pi’in der fol ko tin kamog ni ngan rin’.

Psalms 115:15

Mang e yigi fal’eg SOMOL wa’athmed, ni Ir e sunmiy e tharmiy nge but’!

Psalms 37:28

Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.

Psalms 37:18

I SOMOL e ma ayuweg e pi’in yad be fol rok, ma binaw e bayi par ni taferad ndariy n’umngin nap’an.

Psalms 37:11

machane pi’in ba sobut’anrad e bay ra pired u daken e nam, nge felan’rad nike yo’or ban’en rorad ma yad ba gapas.

Psalms 32:1

Ba felan’ e cha’ nike n’ag Got fan e denen rok, ni kireb rok e ke thang Got.

BABYOR NI JOB 5:3

Kug guy e pi’in balyang ni yad be par ni gowa dabi buch ban’en rorad, ma kug yiblayrad ni nge buch ban’en nib tomgin u tabnaw rorad.

Deuteronomy 5:33

Mu folgad riy ni gubin, ya ngu’um pired ni bfel’ rogomed mu’um pired u lan fare nam ni bay mu tafned nge n’uw nap’an.

Psalms 25:13

Ma gubin ngiyal’ ni yad ra par ni bfel’ rogorad, ma pifakrad e bay ra tafned e nam.

Isaiah 57:13

Ngiyal’ ni gimed ra ning e ayuw, ma bayi mang fapi liyos romed e aywegmed! Ma bbuwchuth i nifeng e ra changag nagrad! Machane pi’in ma pagan’rad ngog e yad ra magach u daken e binaw mu ur liyorgad ngog u lan e Tempel rog.”