Psalms 37:15 - Bible Ni Thothup

¹⁵ machane saydon rorad e ir e bay nli’rad ngay, min t’et’ar e gat’ing rorad.

Psalms 37:15 Referans Kwoze

Psalms 35:8

Machane riya’ e bay i aw ngorad u m’on ni ngar nanged; bay ra awgad ko wup rorad ni aram e ke aw e riya’ ngorad!

Hosea 1:5

Ma bayi taw ko ngiyal’nem mu gu gagiyegnag e salthaw nu Israel ngar waergad ko mael u lan e loway nu Jezreel.”

Jeremiah 51:56

Karbad ni ngar kireb niged yu Babylon; kan kol e pi salthaw riy, ma pi gan e gat’ing rorad e ke m’ingm’ing. I Gag ba Got ni gu ma gechignag e kireb, ma bay gu rin’ nga Babylon e tin nib merag ni ngan rin’ ngay.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

Hosea 2:18

Re ngiyal’ i n’em e bay gu ngongliy ba m’ag u thilmad urngin e gamanman ni malboch nge arche’, nge dab ra gafgow niged e girdi’ rog. Bay gu chuweg urngin talin e cham ni fan ko mael u daken e nam, ni urngin e saydon nge gat’ing, mu gu tay e girdi’ rog ngu’ur pired u fithik’ e gapas ndakuriy ban’en nra buch rorad.

Isaiah 37:38

Me reb e rran ni be meybil Sennakerib u lan e tempel ko birok e got ni aram Nisrok, me yib l’agruw i pumo’on ni fak ni aram e Adrammelek nge Sharezer ngar li’ew ko saydon ngem’, miyow mil ko nam nu Ararat. Me yan Esarhaddon nib mo’on ni fak nga luwan nge mang emperor.

1 Samuel 31:4

Me ga’ar ngak fare pagel ni be fek talin e cham rok, “Mu girengiy e saydon rom u tafen ngam li’eg nggum’, ya nge dabyag ni moning nigeg e pi Filistine ney ndar nanged Got miyad thang e fan rog.” Machane fare pagel e ka yigi gel e marus ngak nde yag ni rin’. Ma aram me girengiy Saul e birok e saydon u tafen nge pag ir nga taban.

1 Samuel 2:4

Gat’ing rok e pi salthaw ni yargel e go’ ke m’ing, machane pi me’waer e yad be gel i yan.

Mikah 5:6

Miyad maruwel ko saydon rorad ngar koled e nam nu Assyria, nge nam rok Nimrod. Ma yad ra ayuwegdad u pa’ yu Assyria u nap’an ni yad ra yib ni ngar koled tafadad.

Ester 9:16

Ma ku errogon e pi Jew ni yad bay u lan e yungi nug i yan, ya go’ ra yu ulunggad ngar ayuweged yad rok e pi to’ogor. Miyed thang e fan rok 75,000 e to’ogor rorad. Machane ku der feked ban’en.

Ester 9:22

Irera’ e pi rran ni thang pi Jew owchen e pi to’ogor rorad; irera’ e re pul ni meyor nge marus ni un tay e thil nge yib e felfelan’ nge fel’ laniyan’ nga luwan. Minog ngorad ni ngu’ur madnom niged e gali rran ney ni yad be mur u fithik’ e felfelan’, ma yad be pi’ rorad e ggan ni tow’ath ma ngkur pi’ed boch ko pi’in gafgow.

Psalms 34:22

I SOMOL e ra ayuweg e pogofan rok e pi tapigpig rok; ma dabi gechignag e pi’in yad ra yan ngak ni ngar nafgad nga tan pa’.

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”