Psalms 36:10 - Bible Ni Thothup

¹⁰ Mu ul ul ko t’ufeg rom ngak e pi’in yad manangem, ma ggol ko pi’in yad bmat’aw.

Psalms 36:10 Referans Kwoze

Jeremiah 24:7

Bay gu pi’ ngorad ba leam ni ngar chogow niged ni ngar nanged ni gag SOMOL. Ma bay ra manged girdi’eg, ma bay gu mang Got rorad, ni bochan e bay ra sulod ngog u polo’ i gumircha’rad.

Hebrews 8:11

Dakuriy bagayad ni ngki machibnag be’ ni girdi’en e nam rok, ara be’ ni ngki yog ngak be’ ko nam rok ni nge ga’ar, ‘Mu nang Somol.’ Ya yad gubin ni bay ra nanged gag, ni mus rok e en nth’abi sobut’ nge yan i mada’ ngak e en nth’abi tolang rorad.

Jeremiah 22:16

Ba yal’uw rogon ni i pithig e oloboch rok e pi’in gafgow, me par gubin ban’en u puluwon ni bfel’ rogon. Aramrogon ma aram e kannang SOMOL.

Psalms 9:10

SOMOL, pi’in yad manangem e ra pagan’rad ngom; cha’ nra yib ngom e ri dab mu n’ag.

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

Jeremiah 31:3

mu gu par u palog nggu m’ug ngorad. Gimed e girdi’ nu Israel, gubin ngiyal’ ni ug par ni gimed ba t’uf rog, ere bay ug par ni gu be dag ngomed e t’ufeg rog ni dabimus.

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Isaiah 2:5

Ere, gimed e pi’in owchen Jakob, marod ngdarod u tamilangen SOMOL!