Psalms 35:26 - Bible Ni Thothup

²⁶ Mang e yigi waer me wagagay lanyan’ e pi’in yad be felan’ ko gafgow ni kug tay; Mang e yigi polo’ i tamra’ me ma’fan e pi’in yad be yog ni yad bfel’ boch ngog.

Psalms 35:26 Referans Kwoze

Psalms 38:16

dab mu pag e to’ogor rog ngar felan’gad ni ku gu gafgow; dab mu pagrad ngar giriggad ngog ni ku gu dol’!

Psalms 132:18

Bay gu upunguy e pi to’ogor rok ko tamra’, ma gin bayi gagiyegnag e bayi fel’ rogon me mon’og.”

BABYOR NI JOB 19:5

Gimed be finey ni gimed bfel’ ngog, ma kam fineyed ni gafgow nike yib ngog e be micheg nriyul’ ni kug ngongliy e kireb.

BABYOR NI JOB 8:22

machane bayi m’ay nagfan e pi’in yad bfananikayem, ma pi tabnaw rok e pi’in kireb e bay i may ngabang.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Daniel 11:36

“Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Jeremiah 48:26

SOMOL e ke ga’ar, “Mu gagiyegnag yu Moab nge chingnag, ni bochan e be togopluw ngog. Moab e bayi leap u fithik’ e sul’ugun rok, me minmin e girdi’ ngak.

Isaiah 41:11

“Pi’in yad be damumuw ngom e bayi m’ayfarad miyad par ni ka ra tamra’gad. Pi’in yad ra cham ngom e yad ra yim’.

Psalms 129:5

Mang e yigi urngin e pi’in yad be fananikay yu Zion e ra waergad min tulufrad.

Psalms 71:13

Mang e yigi waer min thang mit e pi’in yad be cham ngog. Mang e yigun tamra min ma’fannag e pi’in yad be guy rogon ni ngar maad’adgad ngog.

Psalms 55:12

Fa’an mang e ba to’ogor rog e be dariyfan nigeg, mra yag ni nggu k’adan’ug; fa’an mang e ba togopluw rog e be girig ngog, ma gu ra mith rok.

Psalms 35:4

Mang e yigi waer me ma’fan e pi’in yad be guy rogon ni ngar thanged e pogofan rog! Mang e yugu ra sulod nike wagagey lanin’rad yad e pi’in yad be makath nigeg!

Psalms 109:19

Mang e yugur upunguyed ni bod e mad me par u lukngun ni bod e leed ni gubin ngiyal’!

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Mikah 7:10

Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.