Psalms 35:15 - Bible Ni Thothup

¹⁵ Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Psalms 35:15 Referans Kwoze

Mark 14:65

Me tabab boch i yad i thuw nga daken Jesus, miyad m’ag owchen ngu’ur batniged ma be lungurad ngak, “Mog ko mini’ e ke bat nigem!” Me fek e pi matnag Jesus ngu’ur bat niged.

Psalms 7:2

ya ra dangay, ma bay ra fekedgag ni bod ba gamanman ni layon ko gin ndariy be’ riy ni nge ayuwegneg, ngar popofedgag u rom.

1 Korinth 13:6

en nib t’uf Got rok nge girdi’ e de fel’ u wan’ e ngongol nib kireb, machane ba felfelan’ ko tin nib riyul’.

Acts 17:5

Me awan’ piyu Israel ngorow, miyad kunuy boch e girdi’ u kanawo’ ni girdi’ ni yugu ma yan ndariy e maruwel rorad ni ngar mu’ulunggad ngar wageygad. Miyad wagey u lan fare binaw ni polo’, miyad yan ni cham nga tafen Jason, ni yad be guy rogon ni ngar pir’eged Paul nge Silas ngar feked yow nga waen i yib ngak e girdi’.

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Proverbs 17:5

Fa’anra um dariyfannag e girdi’ ni gafgow, ma ga be darifannag Got ni ir e sunmiyrad. Yira gechig nagem ni fa’anra i felfelan’um ko gafgow nike aw ngak be’.

Psalms 69:12

Yad be weliy murung’ageg u kanawo’ i yan, ma pi tamu’un rrum e yad be tunguy e tang ni murung’ageg.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Psalms 41:8

Me lungurad, “Dabki gol e cha’nir; dakriy bangiyal’ nra chuw u chob rok.”

Psalms 38:17

Ke chugur ni nggu aw nga but’ ni darming e amith rog.

Psalms 35:8

Machane riya’ e bay i aw ngorad u m’on ni ngar nanged; bay ra awgad ko wup rorad ni aram e ke aw e riya’ ngorad!

Psalms 22:16

Baraba’ i girdi’ ni yad ba kireb e kar longobiyed gag; ni bod ba ran’ i pilis, ni yad be chugur i yib ngog; yad be girengiy pa’ag nge eg.

BABYOR NI JOB 31:29

Dariy bi’id nike gafgow e pi to’ogor rog me felan’ug ngay, ara buch ban’en rorad nib gel e gafgow riy mu ggirig u wun’ug ngorad;

BABYOR NI JOB 16:9

Ke popofeg Got nga but u fithik’ e damumuw; be gatfiy lanmit ngog u fithik’ e fanenikan.