Psalms 34:14 - Bible Ni Thothup

¹⁴ Mpi’ed keru’med ko kireb ngam rin’ed e tin ni bfel’; mu nameged e gapas u polo’ i gum’ircha’med.

Psalms 34:14 Referans Kwoze

Psalms 37:27

Mu pithigem ko kireb ngam rin’ e tin bfel’, ma pi’in owchem e gubin ngiyal’ ni yad e bay ra pired u daken fare gi but’.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

1 Peter 3:11

Ma thingari pi’ keru’ ko tin nib kireb nge rin’ e tin ni bfel’; thingari sap’ay e gapas u polo’ i leam rok.

3 John 1:11

Fager rog ni gab t’uf rog, dab mu folwok ko tin nib kireb, machane ngam folwok ko tin ni bfel’. En nma rin’ e tin ni bfel’ e ir reb i girdi’en Got; ma en nma rin’ e kireb e dawori guy Got.

Proverbs 3:7

Dab mu leamnag ni gur e ga ba gonop; ya ngu’um par ni bay madgun SOMOL u wan’um, ma ga pag i rin’ e kireb.

Roma 12:18

Mu rin’ed urngin e tin nrayag romed ngam pired ni ba aw e gapas u thilmed nge urngin e girdi’.

Roma 12:9

Rogon nib t’uf e girdi’ rodad e thangri yan i aw nib riyul’. Mu fanenikayed e tin nib kireb, mi gimed chichi’iy pa’med ko tin ni bfel’.

Roma 14:19

Ere gubin ngiyal’ ma thingar ud nameged e pin’en nma fek e gapas i yib, nge pin’en nma gel nagdad.

2 Korinth 13:11

Pi walageg ni girdi’en Kristus, kefel’! Mu athamgiliyed ngam yal’uwgad; mu telmed ko tin kugog; ma nge ta’reban’med, mu um pired u fithik’ e gapas. Mi Got ni gadad ba t’uf rok me ir e ma pi’ e gapas e bay i un ngomed.

1 Thessalonika 4:11

Um athamgiliyed ngu’um pired ni gimed ba gapas, me mang e tiromed e maruwel e um leam niged, me bigimed mi i muruwliy e salpiy ni nge abich riy, ni bod rogon ni kug weliyed ngomed ko som’on.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Roma 14:17

Ya gagiyeg rok Got e dariy rogon e abich nge garbod ngay, ya mat’aw, nge gapas, nge felfelan’ nma pi’ fare Kan Nthothup e bay rogon ngay.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Matthew 5:9

“Nge felan’ e pi’in yad ma guyrogon ni nge aw e gapas u thilin e girdi’, ya ra yog Got ni yad pifak!

2 Timothy 2:19

Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”

Proverbs 13:14

Machib ko pi’in gonop e ba athang’el ko yafos, ra ayuwegnem ngam thay ko ngiyal’ ni ga be yan u thathren e riya’.

Psalms 120:7

Nap’an ni gu ra weliy murung’agen e gapas, ma mael e yad ba’adag.

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

Hebrews 13:16

Dab mpaged talin ni ngam rin’ed e tin ni bfel’ ni nge bigimed mi i ayuweg bigimed, ya ireray e pi maligach nib m’agan’ Got ngay.

Acts 10:38

Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.

Psalms 39:2

Kug th’ab gulungag, nda gog ta’ab bugithin, mus nga ban’en ni bfel’ mda gog! Machane, mi ri gel boch e gafgow ngog,

Proverbs 4:24

Dariy e ngiyal’ ni ngamog ban’en nde riyul’. Mu pithgem ko ban nge felfel’igun.