Psalms 30:11 - Bible Ni Thothup

¹¹ Ka mu pilyeg e kirban’ rog kemang ba churu’ ni felfelan; ka mu chuweg e gafgow’an rog, ma ka mu longbiyeg ko felfelan’.

Psalms 30:11 Referans Kwoze

Jeremiah 31:4

Bay gu fal’eg rogomed bayay. Ma aram e bay ku mu sulod bayay ngam feked e pi talin e musik romed ni tambourine ngu’um churu’gad ni ka mu felfelan’gad.

Isaiah 25:8

Ma SOMOL ni Th’abi Tolang e bayi kirebnag gelngin e yam’ ni manemus! Bayi faley e lu’ u owchen gubin e girdi’, me girdi’ rok ni yad ba yath u wan’ e fayleng ni ga’ngin ni ur gafgowgad riy e bayi museg. I SOMOL, e ir e be yog e pi thin ney.

Eklesiastes 3:4

Ma turguy ngal’an ni nge kireban’uy nge ngal’an ni nge felan’uy; nge ngal’an e dolol’oy nge ngal’an e churu’;

2 Kronicles 20:12

I gur e Got romad! Mu gechig nagrad ya dariy gelingmad u pulwon e re raba’ i salthaw ney nib ga’ ni yad be cham ngomad. Dagnanged e n’en ni nggu rin’ed, machane gamad be sap ngom ni ngam ayuwegmad.”

Psalms 149:3

Mu churu’gad ni gimed be pining e sorok nga fithingan; mi gimed chubeg e drum nge harp ni gimed be pining e sorok ngak.

Psalms 150:4

Ngu’un chubeg e pi drum ngu’un churu’ ni aram e yibe pining e sorok ngak! Ngu’un chubeg e pi telin e musik ni harp min thoy e ngal ni aram e yibe pining e sorok ngak!

Luke 15:22

Machane me kunuy e chitamngin e pi tapigpig rok nge ga’ar ngorad, ‘Mu gurgad ngam feked i yib e bin th’abi fel’ e mad nga mon’ed nga daken. Mi gimed tay reb e luwew nga bugul i pa’ mi gimed yin’ e sus nga ay.

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

2 Samuel 6:14

Me churu’ David nike musmus nga rogon ni be tay fan SOMOL, ni kemus ni bangi mad nib wech e bay u lukngun.

Revelation 21:4

Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Psalms 4:7

Machane, felfelan’ ni kam pi’ ngog e bagel boch ko felfelan’ ni yad ra tay ko urngin e grain nge wayin rorad.

John 16:20

Nggog e tin riyul’ ngomed; bay um yorgad ma gimed be dololoy’, machane girdi’ nu fayleng e bay ra felfelan’gad; ma gimed e bayi kireban’med; machane kireban’ romed e bayi piliyeg ko felfelan’.

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

2 Kronicles 20:9

ni fa’anra yib ba gafgow ngorad ni nge gechig nagrad ni bod ba mael, ara ba misilpig, fa ba uyngol, ma rayag ni ngarbad ra sak’iygad nga mit e re Tempel ney ko gin yima liyor ngom riy. Rayag ni ngar meybilgad ngom u fithik’ e tin ba mo’maw’ nike yib ngorad, ma ga ra rung’ag lamrad ngam lagrad u fithik’.

Isaiah 25:3

Girdi’en e pi nam nib gel gelngin e bay ur pininged e sorok ngom; gur e bay un rus ngom u lan e pi binaw ko fapi nam nib kireb e leam rorad.

Ester 9:22

Irera’ e pi rran ni thang pi Jew owchen e pi to’ogor rorad; irera’ e re pul ni meyor nge marus ni un tay e thil nge yib e felfelan’ nge fel’ laniyan’ nga luwan. Minog ngorad ni ngu’ur madnom niged e gali rran ney ni yad be mur u fithik’ e felfelan’, ma yad be pi’ rorad e ggan ni tow’ath ma ngkur pi’ed boch ko pi’in gafgow.

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

Genesis 45:28

Me ga’ar, “Fakag i Josef e kabfos! Kemus tabon laniyan’ug! Thingar gu wan ngug guy u m’on ni nggum’.”

Genesis 37:35

Me yib urngin pifak ni pumo’on nge ppin ngak ni ngar fal’eged laniyan’, machane dabun ni ngan fal’eg laniyan’, me ga’ar, “Bay ug par ni be kireban’ug ngak fakag nge mada’ ko ngiyal’ ni bay gum’ mu gu wan ngak ko binem e tamilang ni tafen e pi’in ni karm’ad.” Ma aram mi i par ni be kireban’ ma be yornag Josef ni fak.

2 Kronicles 20:3

Me rus Jehoshafat me meybil ngak SOMOL ni nge pow’iy. Ma aram me yog ni ngan pag e abich ngan meybil u lan fare nam ni ga’ngin.

Psalms 27:7

SOMOL, mu rung’ag lungug ko ngiyal’ ni gu ra piningem! Mu runguyeg ngam fulweg lungug!

Jeremiah 52:33

Ma aram mi ni pag Jehoyakin nge chuweg madan e kalbus u daken mi i un ngak e en ni pilung ko abich u tebel u n’umngin nap’an e yafos rok.