Psalms 26:8 - Bible Ni Thothup

⁸ A SOMOL, ba t’uf rog fare naun ni ga ma par riy, ni fa gin tagalim’ nib maluplup’.

Psalms 26:8 Referans Kwoze

Luke 2:49

Me fulweg ngorow ni ga’ar, “Mang ni ngam gayew gag? Da mu nangew nthingar gub gu par nga naun rok e Chitamag?”

Luke 2:46

Ma chirofen ni gaman e dalip ngay miyow pir’eg u lan e Tempel, ni kar pired e pi tamchib nu Israel nga but’, be motoyil ngorad ma be fithrad.

Isaiah 38:22

Miki fith Hezekiah ni Pilung ni ga’ar, “Mang e pow riy nrayag ni nggu wan nga talang ko naun rok SOMOL?”

Isaiah 38:20

SOMOL kam gol nigeg. Bay gu chubeged e musik ni harp magmad tangnag e sorok ngom, u lan e Tempel rom u n’umngin nap’an e yafos romad.

Psalms 122:9

Ma bochan e naun rok Got ni SOMOL rodad mu gu meybil ni nge fel’ rogom.

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Psalms 42:4

Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

1 Kronicles 29:3

Ma ku gon’ nga daken e tiney ni gubin e tirog e silber nge gol ni bochan e rib t’uf rog e Tempel rok Got.

2 Samuel 15:25

Me ga’ar David ni Pilung ngak Zadok, “Mfek fare Kahol Ko M’ag ngam sul ngalan binaw. Ya fa’anra ba felan’ SOMOL ngog, mra gagiyegnag nggu sul reb e rran ngug guy, mu gguy e gin ni bay riy.

2 Kronicles 7:1

Nap’an ni mu’ Solomon ni Pilung ko meybil, me yib e nifiy u tharmiy nga but’ nge urfiy fapi maligach ni kan pi’, me suguy maluplup’en SOMOL fare Tempel.

2 Kronicles 7:2

Bochan e ke suguy ba tamilang nib maluplup’ fare Tempel, ma da kiyag ni th’um fapi prist nga langgin.

Ezekiel 3:12

Me gagiyeg nigeg fare kan thothup rok Got nggu muf u but’ ngalang, mu gu rung’ag ba lam nga keru’ug ni ba ga’ laman ni ga’ar, “Ke sorok SOMOL ni bay u tharmiy nga feni malup’lup’.”