Psalms 22:27 - Bible Ni Thothup

²⁷ Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 22:27 Referans Kwoze

Psalms 86:9

Gubin e nam ni kam sunmeg e bay rabad ngar siro’gad ngom, miyad pining e sorok nga fanam gil.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Psalms 2:8

Mu ning ngog, mu gu pi’ urngin e nam ngom; ma re fayleng ney ni polo’ e bayi mil suwon ngom.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Psalms 96:7

Gimed gubin e girdi’ nu fayleng, mu pininged e sorok ngak SOMOL! Mpininged e sorok nga feni muluplup’ nge feni gel gelngin!

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

Psalms 117:1

Urngin e pi nam, mu pininged e sorok ngak SOMOL! Gubin mit e girdi’, mu pininged e sorok ngak!

Psalms 102:22

ko ngiyal’ ni nge yib e pi nam nge pi lung nga ta’bang ni ngar liyorgad ngak SOMOL.

Psalms 72:8

Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Roma 16:26

Machane chiney e kan dag e tin riyul’ u daken e tin ni yoloy e pi profet; mi Got ni bay i par ndariy n’umngin nap’an e ir e yog ni ngan wereg e re thin nem ngak urngin e nam, ni fan e nge urngin e girdi’ me mich u wun’rad e re thin nem ngar folgad riy.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Isaiah 49:12

Girdi’ rog e bay rabad u orel, ko lel’och nge ngal nge binaw nu Aswan ni bay ko yimuch.”

Psalms 98:3

Ke tay u gil’ e tin ni micheg ko girdi’ nu Israel u fithik’ e yul’yul’ nge fare t’ufeg rok ngorad ni dabimus. Gubin e girdi’ u gubin yang ni ka ra guyed e gel nike tay e Got rodad.

Numbers 10:32

Ma fa’an gara un ngomad, ma gubin e pi tow’ath nra pi’ SOMOL ngomad ma gamad ra pi’ boch ngom.”

1 Kronicles 16:10

Ngam felfelan’gad nike mil fadad ngak; nge felfelan’ gubin e pi’in yad ma liyor ngak!

Psalms 69:33

SOMOL e ma motoyil ngak e pi’in kar gafgowgad, ma der ma pag talin e tirok e girdi’ ni bay u kalbus.

Isaiah 29:19

Pi’in gafgow nge pi’in sobutan’ e yad ra pir’eg fare felfelan’ bayay nma pi’ SOMOL, ni fare Got nib thothup nu Israel.