Psalms 22:16 - Bible Ni Thothup

¹⁶ Baraba’ i girdi’ ni yad ba kireb e kar longobiyed gag; ni bod ba ran’ i pilis, ni yad be chugur i yib ngog; yad be girengiy pa’ag nge eg.

Psalms 22:16 Referans Kwoze

John 19:37

Ma ku bay ni kan yoloy u lan e babyor nib thothup ni ga’ar, “Bay i changar e girdi’ ngak e en ni kar kurufed.”

Matthew 27:35

Miyad richibiy ko fare kuruth miyad f’oth e mad rok rorad, ni yad be girngiy e pow ni nge duwgiliy e bin nge fanay bagayad.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

John 20:25

Ma aram me yog fa tinem i gachalpen Jesus ngak Thomas ni lungurad, “Kug guyed Somol!” Me ga’ar Thomas ngorad, “Fa’anra dab gguy fathan e rchib u lan pa’, mu gu tay bugul i pa’ag ko gin nrichibiy u lan pa’, mu gu tay e rifrif u pa’ag ngalan e bey u p’eyon, ma dabi mich u wun’ug.”

John 19:23

Ma fa’ani mu’ e salthaw i richibiy Jesus ko fare kuruth, miyad fek e mad rok ngar f’othed ni aningeg e f’oth riy, nra reb fapi salthaw ma reb e f’oth. Ma ku errogon nra feked fare mad rok nib n’uw nni ngongliy u ta’ab yang i mad nlifith nga paay, ndariy yu yang nni puthuy riy.

Mark 15:24

Ma aram miyad richibiy ko fare kuruth miyad f’oth e mad rok rorad, ni yad be girngiy e pow ni nge duwgiliy e bin nge fanay bagayad.

John 19:34

Machane me rugoy bagayad fapi salthaw e sarey rok nga p’eyon Jesus, ma ka chingiyal’ nem me map’ e racha’ nge ran riy nga but’. (

Luke 23:33

Ma fa’anra tawgad ko fare gin’en nu “Lo’ ” fithingan, miyad richibiy Jesus ko kuruth u rom, nge fa gali cha’nem ni kar th’abew e motochiyel, ni bagayow nga ba’ ni mat’aw rok ma bagayow nga ba’ ni gilay’ rok.

Filippi 3:2

Mu ayuweged gimed rok e pi’in yad be rin’ e tin nib kireb e ngongol, ni fapi pilis, ni aram fapi girdi’ ni yad be yog ni dabisiy ni ngan maad’ad ko dowef.

Luke 23:23

Machane miyad par ni yad be tolulnag ngak nike musmus mam’ungun i lamrad ni be lungurad ngan richibiy Jesus ko kuruth; me munmun me mang e tin ni yad be tolulnag e ni fanay.

Isaiah 53:5

Machane ni maad’ad ngak ni bochan e denen rodad, mi ni pirdi’iy ni bochan e kireb ni kad ngongliyed. Gechig ni gafgow riy e ke palo’ nagdad, dumow ni aw ngak e ke gol nag dad.

Psalms 22:20

Mu yororiyeg ko saydon; ma ga ayuweg e pogofan rog ko pi pilis ney.

Psalms 22:1

Got rog, Got rog, mang ni kam n’igeg? Kari gu wenig ngom u fithik’ e gel’gel’ ni ngam ayuwegneg, ma ka dawori taw e ayuw rom ngog!

John 20:27

Ma aram me ga’ar ngak Thomas, “Mu tay bugul i pa’am ara’, ma ga yaliy lan pa’ag nruw raba’ ma ga k’iyag pa’am ngam tay ngalan e bey u p’eyog. Mu tal ko toruruw nggu mich u wun’um!”

Psalms 59:6

Ra blayal’ miyad sul, ni yad be tolul ni bod e pilis ma yad be gurul u lan e binaw.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Psalms 86:14

A Got, girdi’ ni tolngan’ e karbad ni togopluw ngog; ma barba’ i girdi’ ni kireb e yad be guy rogon ni ngar thanged e pogofan rog, ni girdi’ ni dariyfam u wan’rad.

Matthew 26:57

Ma fa pi’in nra koled Jesus e ra feked nga tafen Kaifas, ni ir fare Prist ni Th’abi Ga’, ko gin ke mu’ulung e pi tamchib ko Motochiyel ngay nge pi’in pi’ilal.

Matthew 7:6

“Dab mpi’ed ban’en nib thothup ngak e pilis ya kemus ni yad ra cheal ngar k’aded gimed; dab mon’ed e churuwo’ romed nni fek u lan l’ugun e yar nga p’eowchen e babiy, ya kemus ni yad ra yot’yot’.

Jeremiah 12:6

Mus ngak pi walagem, nge pi chonggin e tabnaw rom, marban niged gur; ra uned ko togopluw ni yibe tay ngom. Dabi pagan’um ngorad ni mus ni fa’an yad be yog e thin ngom nib sumnguy.”

Psalms 59:14

Ra blayal’ me sul e pi to’ogor rog, ni yad be tolul ni bod e pilis ma yad be gurul u lan e binaw,

Psalms 38:11

Pi fager rog nge pi’in gamad buguliyoror e dakrir chugurgad ngog, ni bochan e malad rog; mus ngak chon e tabnaw rog ni ka ra pired u orel rog.