Psalms 21:5 - Bible Ni Thothup

⁵ Kari gilbuguwan ni bochan e ayuw rom; kam gilnag buguwan ma kam gelnag gelngin.

Psalms 21:5 Referans Kwoze

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

Hebrews 8:1

N’en ni gadad be weliy murung’agen e ba’aray: bay fare Prist ni Th’abi Ga’ rodad nike par nga but’ u ba’ ni mat’aw u tagil’ Got ni Pilung ni Th’abi Tolang u tharmiy.

John 17:22

Kug pi’ ngorad fare fla’ab ni mpi’ ngog ni fan e nge yag nra pired ni kar ta’rebgad ni bod rogodow ni gadow ba ta’reb:

John 17:5

Chitamag! Mu gilnag buguwag u p’eowchem e chiney, ni fare gilbuguwan ni immoy rog nnap’an ni ug moy rom ko ngiyal’ ndawor ni sunumeg e fayleng riy.

John 17:1

Fa’ani mu’ i yog e re bugithin ney rok Jesus, me sap ngalang me ga’ar, “Chitamag, ke taw ko fare awa. Mu gilnag buguwan Fakam, me gilnag Fakam buguwam.

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Psalms 110:1

I Somol e ga’ar ngak e somol rog, “Mu par aray nga ba’ ni mat’aw rog nge yan i mada’ ko ngiyal’ ni bay gu tay e pi to’ogor rom nga tan e rifrif u em.”

Psalms 96:6

Maluplup’ nga feni rir e ke liyeg’, feni sorok nge feni gamog e ke suguy e Tempel rok.

Psalms 62:7

I Got e ir e ke ayuwegneg ma ke gagiyegnag kan tayfag; Ir fare yoror rog nib gel; ma ir e manaf rog.

Psalms 8:5

Machane kam tay ni kemus ni go’ gur e ga ba tolang rorad; kam teeliyaw nagrad ko tayfan nge flaab.

Psalms 3:3

Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

1 Kronicles 17:27

Gu be wenignag ngom ni ngam fal’eg wa’athan e pi’in owcheg ya ngi i par e felfelan’ rorad ko fal’eg wa’ath rom, SOMOL, i gur e kam tow’ath nagrad, ma fal’eg wa’ath rom e bay i par u dakenrad ni urun.”

2 Samuel 7:19

Machane chiney e ka ba yo’or e tin kam rin’ ni fan ngomad, I gur SOMOL ni Th’abi Tolang; ya kamog ngog e tin ni bay mu rin’ ngak e pi’in owcheg ko tin ni bayib e duw nga m’on. SOMOL ni Th’abi Tolang kam gagiyegnag ba girdi’ ke guy e ran’ey!.

1 Kings 3:14

Fa’anra um fol rog ma ga be tay nga tagil’ e pi motochiyel rog nge pin’en kugog ni ngam rin’ ni bod ni i rin’ e chitamam i David, ma bay gu gagiyeg nigem nge n’uw nap’am.”

Psalms 61:7

A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.

Psalms 133:3

Bod e wa’angchal u daken e Burey ni Hermon, ni be mul nga daken e burey nu Zion. Ya ireram e gin ke micheg SOMOL e tow’ath rok riy — ni yafos ndariy n’umngin nap’an.