Psalms 2:2 - Bible Ni Thothup

² Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

Psalms 2:2 Referans Kwoze

Matthew 26:59

Ma aram me gay e pi tolang ko prist nge urngin e girdi’ u lan fare ulung e mich rorad ni nge togopluw ngak Jesus, ni bochan e nge yag nli’ ngem’;

Matthew 27:1

Ma kab kadbul me puruy’nag e pi tolang ko prist nge pi’in pi’ilal rok piyu Israel e n’en ni ir e nge togopluw ngak Jesus nge yag nli’ ngem’.

Psalms 45:7

bt’uf rom e n’en ni bfel’ ma dabum e n’en nib kireb. Aram fan ni Got, ni ir e Got rom, e ke mel’egem ke pu’og e felfelan’ ni yo’or nga dakenam ni dabi ta’reb rogon ngak boch e pilung.

Acts 10:38

Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

John 1:41

Ka chingiyal’ nem me yan Andrew ni be changarnag walagen ni pumo’on, ni aram Simon miyow mada’, me yog Andrew ngak ni ga’ar, “Kug pir’egew fare Messiah.” (Ni fan e re bugithin ney e “Kristus.”)

Psalms 74:23

Dab mu pagtalin e pi tolul u fithik’ e damumuw ni be tay e pi to’ogor rom! Nge pi meyngar ni dertal ni be tay e pi tagopluw rom!

Psalms 48:4

I mu’ulung e pilung nga ta’bang ngarbad ni ngar chamgad ko Burey ni Zion,

Psalms 2:10

Gimed e pi pilung, mmotoyilgad ko re thin ni ba’aray nib ginaeng ngomed, gimed pi tagagiyeg ko fayleng, thingar mu nanged e pi thin ni ba’aray:

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

Psalms 89:20

Ku gu pilungnag David ni tapigpig rog ku gu gapgepnag ko gapgep ni thothup.

Psalms 74:18

A SOMOL, dabi m’ay u wun’um ni be minmin e pi to’ogor rom ngom, ni bogni’ ni dariyfam u wan’rad ma dubrad gur.

Exodus 16:7

Kadbul e bay mu guyed ramaen e muluplup’ rok SOMOL. Ya ke rung’ag e thin ni gimed be yog nib togopluw ngak. Gamow mini’ ni ngam nonod nib togopluw ngomow?”

Hebrews 1:9

Ma ngongol nib mat’aw e ir e ba t’uf rom ma fanenikam e ngongol nde mat’aw, ireray fan ni Got, ni ir e Got rom, e ke mel’igem, ma tayfan nike tay ngom e ri ka ba ga’ e felfelan’ nike yib riy ngom ko felfelan’ nike pi’ ngak e pi’in yad be un ngom.”

John 15:23

En nra fanenikayeg e ku errogon nike fanenikay e Chitamag.

Luke 13:31

Ka re ngiyal’ i n’em me yib boch e Farise ngak Jesus me lungurad ngak, “Thingar mu chuw u roy ngam man ngabang, ya ke finey Herod ni nge thang e pogofan rom.”

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Psalms 110:5

I Somol e bay u ba’ ni mat’aw rom; chirofen ni bayi damumuw e bayi gel ngak e pi pilung.

Acts 9:4

Me thay nga but’ me rung’ag ba lam ni be ga’ar ngak, “Saul, Saul! Mang ni ga be gafgow nigeg?”

Matthew 26:3

Ma aram me mu’ulung e pi tolang ko prist nge pi’in yad ba ilal rok piyu Israel ngalan e naun rok Kaifas, ni ir fare Prist ni Th’abi Ga’,

Psalms 48:5

ma nap’an nra guyed, me gin’anrad; miyad rus ngar milgad.

Psalms 83:6

ni aram fapi girdi’ nu Edom nge pi Ishmaelite; nge girdi’en yu Moab nge pi Hagrite;