Psalms 17:1 - Bible Ni Thothup

¹ A SOMOL, mmotoyil ko wenig rog ni gu be ning e tin nib mat’aw; mu telim ngog ko man’ ayuw ni gu be tay! Motoyil ko meybil rog nri gub yul’yul’ ngay.

Psalms 17:1 Referans Kwoze

Psalms 142:6

Mu telim ngog ni gu be ning e ayuw, ya kar gu bilig t’ay e gafgow! Mu ayuwegneg u pa’ e to’ogor rog; ya dabyag gelingrad rog.

Psalms 61:1

A Got, mu rung’ag e meyor rog; ma ga motoyil ko meybil rog!

1 John 3:21

Pi tafager rog, fa’anra dabi yog lanin’dad ngodad ni gadad ba kireb ma ba pagan’dad u p’eowchen Got.

Matthew 15:8

I Got e ga’ar, ‘Pi girdi’ ney e yad be tayfag ko thin ni yad be yog, machane rib mal’af lanin’rad rog.

Psalms 145:18

Ma ba chugur ngak urngin e pi’in yad ma non ngak, ni yad be non ngak u fithik’ e yul’yul’.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

Psalms 142:1

Gu pining SOMOL ni nge ayuwegneg; gu wenig ngak.

Psalms 140:12

SOMOL, gumnang ni ga ma n’ufeg e pi gafgow ko oloboch rorad nge mat’wun e pi’in bt’uf e ayuw rorad.

Psalms 86:1

SOMOL, mu telim ngog, ngam fulweg lungug, ya dariy ban’en nrayag rog ma gub me’waer.

Psalms 66:19

Machane, rriyul’ nike motoyil Got ngog; ke rung’ag e meybil rog.

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Psalms 18:20

Ma tow’ath nigeg SOMOL ni bochan e gu ma rin’ e tin ni bfel’; mma fal’eg wa’athag ni bochan e bfel’ e rog.

Psalms 7:8

Gur e tapufthin rok urngin e girdi’. SOMOL, mu duwgiliy ni gu bfel’ ya gamnang ni bfel’ e rog;

2 Kronicles 7:15

Bay ug matanagiy e re Tempel ney ma gubin ngiyal’ ni kug fal’eg rogog ni nggu rung’ag urngin e meybil ni yibe pi’ ngog u roy,

Psalms 5:2

Motoyil ko man ayuw rog, I gur e Got rog ma pilung rog! SOMOL, gu be meybil ngom;

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Psalms 18:44

Girdi’ u boch e nam e yad be siro’ ngog; nap’an ni yad ra rung’ag lamag, miyad fol riy.

Nehemiah 1:6

SOMOL, mu changar ngog ngam telim ko meybil rog ni gu be tay ni rran nge nep’ ni fan ngak e tapigpig rom ni er yu Israel. Nggog ngom ni gamad piyu Israel e gamad be denen. Pi chitamngig ni kakrom e ur denengad ma ku er rogog.

Jeremiah 3:10

Ma tomuren e pin’ey ni gubin, ma Judah ni walagen Israel ni bpin, e i dake be’ nike sul ngog; ma gathi aram rogon u lanyan’. I Gag SOMOL e gu be non.”

2 Samuel 22:24

Manang ndariy e kireb ni kug rin’, ma kug teg u urel ko kireb.

BABYOR NI JOB 16:17

machane dawor gu gad pa’ag ngak be’ ni nge buch e rog riy, ma meybil rog ngak Got e ri sum u ngorngoreg.

Psalms 54:4

Machane Got e ir e ma ayuwegneg. I SOMOL e ir e ma n’ufegeg.

Psalms 55:18

Bayi fulwegneg ni dariy ban’en nra buch rog ko pi mael ni gu be tay ngak bo’or e to’ogor.

Psalms 61:2

Gu be piningem nike m’ath e liyab rog, ma gub palog u tabnaw. Mu fekeg ngabang ni dabi buch ban’en rog riy,

Psalms 84:9

A Got, mu ayuweg e pilung romad, ni fare pilung ni gur e mturguy ni nge pilung!

Psalms 86:6

SOMOL, mu telim ko meybil rog; mu rung’ag e meyor rog ni gu be man ayuw.

Psalms 88:3

Ri bo’or e oloboch nike yib ngog, nike chugur ni nggum’ riy.

Psalms 102:2

Nap’an nra yib e oloboch ngog, ma dab mu pi’ keru’um ngog! Mu telim ngog, ngiyal’ ni gu ra piningem ma ga fulweg lungug nib papey!

Psalms 143:1

SOMOL, mmotoyil ko meybil rog! Mmotoyil ko wenig rog ni bochan e gab mat’aw; mu fulweg lungug u fithik’ e yul’yul’ rom!