Psalms 147:13 - Bible Ni Thothup

¹³ I SOMOL e ma tay e yoror rom nib gel; ma ir e ma fal’eg wa’athan e girdi’ rom.

Psalms 147:13 Referans Kwoze

Psalms 144:12

Mang e yigi par e pi pagel ni pifakdad ni bod yuke gek’iy nma ilal nib gel. Mang e yigi par e rugod ni pifakdad ni bod yuley i rumog ni bfel’ ya’an ko pi tabthung u tafen e pilung.

Psalms 125:2

Bod e pi burey nib liyeg yu Jerusalem, e aram rogon SOMOL nike longbiy e girdi’ rok, e chiney i yane ngaram ndariy n’umngin nap’an.

Nehemiah 12:30

Fapi prist nge Levite e ra bengbeng nigedyad ko be’ech, ma ku aram rogon e girdi’, nge fapi garog nge rungrung ko fare binaw.

Nehemiah 7:1

Tomuren ni kan mu’ i ubung bayay fare yoror, ma go’ kan ayliy mban e pi garog nga tagil ma kan duwgiliy e pi matnag ko garog nge pi’in ngi i tang, nge pi Levite ni bay e maruwel ni ka ni duwgiliy ni ngar muruwliyed.

Lamentations 4:12

Dariy be’ u bang, ni mus ngak e pi’in tagagiyeg ko pi nam nu bang, ni tun ngan’ nrayag ni thum’ reb e to’ogor ngalan e garog nu Jerusalem.

Psalms 51:18

Got, mu runguy yu Zion, ngam ayuweg; mu ubung bayay e yoror nib liyeg e binaw nu Jerusalem.

Nehemiah 7:3

Mu gog ngorow ni dab ra pagew fapi garog nu Jerusalem ngan bing ni kadbul nge taw ko ngiyal’ nike rran ma nguun ning ngan man’nag u m’on ni nge mu’ fapi matnag ko maruwel rorad ni blayal’. Mu kugog ngorow ni ngar mel’egew boch e girdi’ u fithik’ e girdi’ ni yad ma par u Jerusalem ni ngar manged boch e matnag, mi yow pi’ e maruwel rok boch i yad ni ngu’ur pired u lan boch e pi tafen e matnag nem ma boch i yad e ngu’ur matnagiyed charen e tabnaw rorad.

Nehemiah 6:1

I Sanballat, Tobiah, Geshem, nge tin kabay e to’ogor romad e ra nanged ni ku gu mu’gad i ubung bayay fare yoror. Ni go’ mab ko pi garog e dawor ni suweg nga langan e garog.

Daniel 9:25

Mu telim ko tin ba’aray ma ga tay uwan’um ngam nang: Ngiyal’ ni nog ni ngan fulweg yu Jerusalem nga rogon nge yan i mada’ ko ngiyal’ nike yib e en nike turguy Got ni nge gagiyeg, e medlip yay e medlip e duw nap’an. Bay ni fulweg yu Jerusalem nga rogon ni kanon’ e yu pa’ i kanawo’ riy, ma kansuwoneg e pi yoror nib longbiy e binaw ni fan ko mael, ma bayi par ni medlip yay e nel’ i ragag nge l’agruw e duw, machane bayi par ni ba ngiyal’ ni ba yo’or e wagagey nge gafgow.

Jeremiah 33:10

I ga’ar SOMOL, “Be yog e girdi’ ni re binaw ney e ke bod bangi daken e ted, ndariy e girdi’ fa gamanman ni be par riy. Ba rriyul’ e n’en ni yad be yog; pi binaw nu Judah nge yu pa’ i kanawo’ u Jerusalem e dariy ban’en riy; ya dariy e girdi’ ara gamanman nma par u rom. Machane ku yuyangi n’ey e ga ra rung’ag bayay riy

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”