Psalms 145:17 - Bible Ni Thothup

¹⁷ I SOMOL e mmat’aw urngin e tin ma rin’, mma runguy e girdi’ u fithik’ urngin e ngongol rok.

Psalms 145:17 Referans Kwoze

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Zefaniah 3:5

Machane SOMOL e ka be par u lan fare binaw; n’en nib mat’aw e be rin’ ya dariy e ngiyal’ nma rin’ ban’en nib kireb. Dariy reb e kadbul nde rin’ e tin nib mat’aw ko girdi’ rok. Ma girdi’ u rom nde mat’aw e go’ kireb e yad be rin’ ni dariy e ngar tamra’gad.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Psalms 103:6

SOMOL e ma turguy e tin ni bfel’ ni fan ngak e pi’in yibe gafgow nagrad nge pi’ ngorad mat’awrad.

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.

Psalms 116:5

I SOMOL e ba wurngan’ ma bfel’; Got rodad e rib marnguy.

Psalms 89:14

Gagiyeg rom e ntoy nga daken e mat’aw nge yal’uw; t’ufeg nge yul’yul’ e be m’ug ko urngin e ngongol rom.

Psalms 50:6

Tharmiy e be weliy feni bmat’aw Got, ya ir e ma pufthin.

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

Revelation 4:8

Ra bagayad fa aningeg i n’em ni yad ba fos ma nel’ pon, ma kayigi fach lan owcherad u lan porad ngu wuru’ i porad. Darir talgad ko tang ni rran nge neap’ ni be lungurad: “Ba thothup, ba thothup, ba thothup Somol ni Got ni Gubin ma Rayag Rok, ni ir e immoy, me ir e bay, me ir e bay yib.”

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Psalms 97:2

Manileng nge lumor nib dub’ag e ba liyeg; be gagiyeg nib mat’aw ma ba yal’uw.

2 Samuel 22:31

Re Got ney e rib yal’uw e ngongol rok, thin rok e rayag ni ngan toer ngay ya der ma thil! Ir e bod bang i shield nma pilig e salthaw e pi talin e cham ngay, be par ni aray rogon u puluwon urngin e pi’in yad ma mil ngak ni nge yoror rorad.

BABYOR NI JOB 34:10

Mmotoyilgad ngog, gimed e pi’in gimed ra nangfan! Gur, Got ni Gubin ma Rayag Rok e ra rin’ e kireb?

BABYOR NI JOB 34:12

I Got, ni Gubin ma Rayag rok e der ma rin’ e kireb; ma dariy bingyal’ nma sasalap ngak be’.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.