Psalms 145:15 - Bible Ni Thothup

¹⁵ Urngin e tin nib fos ban’en ni yad be toer ngak, mma pi’ e ggan ngorad ko ngiyal’ ni nge yog ngorad.

Psalms 145:15 Referans Kwoze

Psalms 136:25

Ma pi’ e ggan ko urngin e yafos; t’ufeg rok e ba manemus.

Psalms 104:27

Gubin e pin’em ni gur e yad be taga’ ngom, ni ngam pi’ garad ko ngiyal’ nike t’uf rorad.

Acts 17:25

Ma ku dariy ban’en ni nge muruwliy e girdi’ nge pi’ ngak; ye ir e ke pi’ e yafos nge pogofan nge urngin ban’en ngak e girdi’. Ere dariy ban’en ni nge yagnag e girdi’ ngak.

Matthew 6:26

A mu guyed e arche’ ni yad be chachangeg: darir yunged awochngin e woldug, fa ra kunuyed e woldug nike el ngar ted nga naun; ma Chitamangimed nu tharmiy e be ayuwegrad! Gathi ka ba ga’ famed ngak e arche’?

Luke 12:24

A mu guyed e gap’luw: darir yunged awochngin ban’en ara ra kunuyed e ggan; ma dariy e senggil rorad ara naun ni yad ma ulunguy e ggan ngay; ya Got e ma duruw’iyrad! Ma gimed e ka ba ga’ famed ngak e arche’!

Genesis 1:30

machane urngin e tin gagang’ nge tin b’achig e gamanman ni malboch, nge urngin e arche’ e nggu pi’ ngorad e woldug nib galunglung ni ir e nge mang ggan ngorad” — me yodorom.

Joel 2:22

Pi gamanman, dab kum rusgad. Ya binaw nma tugul e pan riy e ke galunglung, ma gek’iy e ke k’uf; ke yo’or wom’ngin e fig nge grape.

Psalms 104:21

Pifak e layon e ra yad be fita’ ma be mada’ lungrad ngalang, ni yad be changarnag e ggan nma pi’ Got.

Psalms 145:9

Bfel’ e tin ma rin’ ngak urngin e girdi’, mma runguy urngin e tin ke sunumeg.