Psalms 138:3 - Bible Ni Thothup

³ Kam fulweg lungug u nnap’an ni gu piningem; gelngim e mu gel nigeg ngay.

Psalms 138:3 Referans Kwoze

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

Psalms 18:6

U fithik’ e mo’maw’ rog mu gu pining SOMOL; gu pining e Got rog ni nge ayuw. I rung’ag lamag ngalan e tempel rok; i motoyil ko meyor rog ni man ayuw.

Zekariah 10:12

Bay gu pi’ gelngin e girdi’ rog; ngu’ur liyorgad ngog ma yad be fol rog.” I SOMOL e keyog e pi thin ney.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Filippi 4:13

Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Kolose 1:11

Nge gel nagmed Got nga polo’ i gelngin nma yib u gelngin ni dabi m’ay, nge yag ni mu athamgiliyed urngin ban’en u fithik’ e gumaen’.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Psalms 29:11

I SOMOL e ma pi’ gelngin e girdi’ rok mma fal’eg wa’athrad ko gapas.

Efesus 3:16

I Got ni bay e fla’ab rok ni dabi m’ay e kug wenig ngak ni nge pi’ gelngimed u daken fare Kan Nthothup rok, ya nge yib gelngin lanin’med,

Psalms 63:8

I gur e kug chichiiyeg ngom; ma pa’am e be teg nder buch ban’en rog.

Psalms 28:7

SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

1 Samuel 30:6

Kari magawon David e ngiyal’nem, ni bochan e gubin e pi salthaw rok ma kari buch laniyan’rad ngak pifakrad ni kanfek, ere kar weliyed ni ngar malang niged David; machane SOMOL ni Got rok e pi e athamgil nga laniyan’.

Psalms 34:7

Engel rok e ma matanagiy e pi’in bay madgun SOMOL u wun’rad, me chuwegrad ko riya’.

Lamentations 3:57

Ma ga fulweg lamag ngamog ngog ni dab kugrus.

Daniel 10:18

Me math ngog bayay, mu gu thamiy rog nike yib gelngig.

Daniel 10:19

Me ga’ar ngog, “Gab t’uf rok Got, ere dabi magafan’um ara mu tamdag. Mu par ndab mu rus.” Ma fa’ani yog e re bugithin ney nge mu’, mu gu thamiy rog nike yib gelngig me lungug ngak, “Siro’, mu weliy ngog e tin ngamog ngog. Ya kam ayuwegneg ke yib gelngig.”