Psalms 137:7 - Bible Ni Thothup

⁷ SOMOL, mu leamnag e n’en ni rin’ e pi Edomite ko fa rofen nem nni kol yu Jerusalem ko mael. Mu leamnag rogon ni i lungurad, “Mu buthuged nge mada’ nga daken e but’!”

Psalms 137:7 Referans Kwoze

Habakkuk 3:13

Ma ga yan ni ngam ayuweg e girdi’ rom u pa’ e to’ogor, ni ngam ayuweg fare pilung ni gur e mmel’eg. Kam li’ e en ni be yog e thin rok e girdi’ ni kireb, ma kam thang owchen e tirok e girdi’.

Amos 1:11

Be ga’ar SOMOL, “Girdi’ nu Edom e kar denen gad bayay nge bayay, ere ri bay gu gechig nagrad. Kar lol’oged e girdi’ rorad ni piyu Israel, ni der kireban’rad ngorad. Dariy folan e damumuw rorad ni yug be par ni der m’ay.

Ezekiel 35:2

I ga’ar, “Fak e girdi’, mup nga owchen e nam nu Edom e kireb rorad.

Hosea 7:2

Dertaw nga lanin’rad nra par u wun’ug gubin e pi kireb ney; ya denen rorad e ke cholongbiyrad, ma dabyag ni nggu fek owcheg rorad.”

Psalms 74:18

A SOMOL, dabi m’ay u wun’um ni be minmin e pi to’ogor rom ngom, ni bogni’ ni dariyfam u wan’rad ma dubrad gur.

1 Samuel 15:2

Bayi gechignag e girdi’ nu Amalek ni bochan e ra togopluwgad ngak piyu Israel ko fa ngiyal’nem ni chuw piyu Israel u Egypt.

Exodus 17:14

Me ga’ar SOMOL ngak Moses, “Mu yoloy e ran’ey nga babyor nge par ndab ni pag talin, ma gog ngak Joshua ni bay gu gagiyegnag yu Amalek ngar pired nike math murung’agrad.”

Nehemiah 6:14

Mu gu meybil ni lungug, “Got, mu tay u wun’um e n’en nike rin’ Tobiah nge Sanballat ngam gechignag row. Ma dabi m’ay u wun’um fare pin i Nodiah nge gubin e profet ni yad be guy rogon ni ngar k’aringed e marus ngog.”

Ezekiel 35:15

nri bod rogon ni u mu felfelan’ ko mogoth ni tay yu Israel ni gag e suwog. Burey nu Seir, nge ga’ngin e nam nu Edom, e bayi mogothgoth. Ma aram e bayi nang gubin e girdi’ ni Gag fare SOMOL.”