Psalms 132:7 - Bible Ni Thothup

⁷ Me lungumad, “Ngdarod ko naun rok SOMOL; mired ngdarod ngad liyorgad ngak u p’eowchen ko gin ntagil’!”

Psalms 132:7 Referans Kwoze

Psalms 99:5

Ke sorok SOMOL ni Got rodad; mu siro’gad u puluwon tagil’ nib pilung! Ir e ba thothup!

Psalms 5:7

Ma bochan ga’ngin e t’ufeg rom ma ke yag ni gub nga naun rom; ma ke yag ni nggu’un ko liyor u lan e Tempel rom nib thothup nggu siro’ ngom u fithik’ e liyor.

Lamentations 2:1

Gelngin e damumuw rok Somol me upnguy yu Zion ko lumor. Feni gamog ni yib u tharmiy e ke pig ke kireb. Rofen ni damumuw e mus ko Tempel rok me n’ag.

Psalms 122:1

Gu felfelan’ nnap’an ni lungurad ngog, “Ngdarod ko naun rok SOMOL!”

Psalms 118:19

Mu binged e pi garog ko Tempel ngog; ya nggu wan nga langgin nggu pining e magaer ngak SOMOL!

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

Psalms 99:9

Mu pininged e sorok ngak SOMOL ni Got rodad, mi gimed liyor ngak ko fare burey rok nib thothup! I SOMOL ni Got rodad e ba thothup.