Psalms 129:5 - Bible Ni Thothup

⁵ Mang e yigi urngin e pi’in yad be fananikay yu Zion e ra waergad min tulufrad.

Psalms 129:5 Referans Kwoze

Isaiah 37:35

Bay gu yororiy e re binaw ney mu gu ayuweg, ni nggu rin’ ni bochan e nge gilbugwag minta’ fag nge bochan e thin ni gu micheg ngak e tapigpig rog i David.”

Psalms 71:13

Mang e yigi waer min thang mit e pi’in yad be cham ngog. Mang e yigun tamra min ma’fannag e pi’in yad be guy rogon ni ngar maad’adgad ngog.

Zekariah 12:3

Machane ra taw ko rofen nem, ma bay gu tay yu Jerusalem ni bod bmalang nib tomal, nra nam nra guy rogon ni nge chibiy ngalang e ra maad’ad. Gubin e nam nu fayleng e bay i ta’reb lungrad ni ngar cham gad ngay.

Mikah 4:11

Pire’ e nam ni kar mu’ulung gad ni ngar cham gad ngomed. Be lungurad, “Thingar ni thirif yu Jerusalem u but’! Bay da guyed nike mogothgoth!”

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Ester 6:13

Me weliy ngak le’engin nge gubin fapi fager rok urngin ban’en ke buch rok. Ma aram me ga’ar le’engin ngak nge fapi fager rok ni yad ba gonop, “Irera’ tabolngin ni gimew be thil Mordekai be gel ma ga be me’waer. Ma fa’anra ba Jew, ma ri bayi gel ngom. Dabiyag ni ngam gel ngak.”

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Zekariah 12:6

“Rofen nem e bay gu tay e fa yuke girdi’ nu Judah ni bod ba nifiy u loway fa lan bang i flang nike el wom’ngin e grain riy. Bay rthanged mit e girdi’ u gubin e pi nam nib liyegrad. Ma girdi’en yu Jerusalem e bay ur pired ni dabi buch ban’en rorad.

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

Psalms 122:6

Mu meybilgad ni nge aw e gapas u Jerusalem ni lungumed, “Manga yigi fel’ rogon e pi’in ga ba t’uf rorad!

Ester 9:5

Ere pi Jew e yag ni ngar rin’ed e tin yad ba’adag ngak e pi to’ogor rorad. Ra chamgad ko saydon ngar li’edyad ngarm’ad.

Nehemiah 6:16

Nap’an ni rung’ag e to’ogor romad nu lan e pi nam nib liyegmad nike m’ay fare maruwel, me m’ay e liyab rorad, ya go’ kan nang ni Got e ke ayuweg fare maruwel ke m’ay.

Psalms 40:15

Mange yigi dada’ e pi’in yad be moning nigeg ma kar waergad!

Isaiah 29:8

Urngin e nam ni ka ra mokungad ni ngar chamgad nga Jerusalem e ri bod be’ nike yim’ ko mak’iy me lik’aynag ni be abich me od ni kari yim’ ni mak’iy, fa be’ nike yim’ ko balel me lik’aynag ni be unum e ran me od nib mlik lan ka’ngan.