Psalms 129:1 - Bible Ni Thothup

¹ Israel, mog ngomad rogon nike gafgow nigem e pi to’ogor rom ni ka nap’an e kagab bitir.

Psalms 129:1 Referans Kwoze

Psalms 124:1

Fa’an mang e da i moy SOMOL u ba’ rodad ma gadad ra di’in? Israel, mu pi’ e fulweg riy!

Hosea 11:1

Be ga’ar SOMOL, “Nap’an ni kab bitir Israel ma rib t’uf rog; mu gu pining nga wuru’ yu Egypt ni bod be’ nib mo’on ni fakag.

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Isaiah 47:12

Mu cha’riy urngin e pig rom nge bey; ni um muruwliy nnap’an ni ka gab bitir. Sana ra yib boch angin ngom; dabisiy nrayag ni nge tamdag e pi to’ogor rom ngay.

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Psalms 126:1

Nap’an ni fulwegdad SOMOL nga Jerusalem, ma gowa ba lik’ay!

Psalms 122:1

Gu felfelan’ nnap’an ni lungurad ngog, “Ngdarod ko naun rok SOMOL!”

Psalms 120:1

Nap’an ni u gu moy u fithik’ e oloboch, mu gu pining SOMOL, me fuluweg lungug.

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

Judges 2:15

Gubin yay ni yad ra mael, ma ba togopluw SOMOL ngak piyu Israel, ni bod rogon ni yog nra rin’. Miyad par ni kari gel e gafgow rorad.

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

Ezekiel 23:3

Nap’an ni kayow bitir, ni yow ma par u lan yu Egypt, miyow par nga gil’ e pumo’on, ma aram miyow mang l’agruw ni’ ni yow ma falchuway’ ngorow.

Lamentations 1:3

Girdi’ nu Judah e yad bogi sib ni dakriy gelingrad, kan chuwegrad u taferad. Yad be par u lan yug boch e nam, ni dariy bang riy ni yad ra yog ni taferad — Ke longbiyrad e pi to’ogor rorad, ni dariy kanawo’en miyad thay.

Jeremiah 22:21

I SOMOL e non ngom fa ngiyal’ ni bfel’ rogom, machane i gur e mu siyeg ni ngam motoyil. Irera’ e n’en ni um rin’ u n’umngin e yafos rom; dariy e ngiyal’ ni mu fol rok SOMOL.

Psalms 123:1

SOMOL, gu be changar ngom ngalang, nga tharmiy ko gin ga be gagiyeg riy.

Psalms 121:1

Kugu sap ngalang ko fapi burey; uw e nge yib e ayuw riy ngog?

Psalms 88:15

Ka nap’an ni kug bochi pagal, ni ug gafgow ngi i chugur ni nggum’; ku gu me’waer u malngin e pi gechig rom.

Judges 3:8

Ma aram me damumuw SOMOL ngak yu Israel me pag e Kushan Rishathaim ni Pilung nu Mesopotamia nge kolrad. Miyad par u tan pa’ ni meruk e duw.

Hosea 2:15

Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

1 Samuel 13:19

Ma dariy be’ u Israel ni be pirdi’iy e wasey nge yib ban’en riy, ya ke duwgiliy e pi Filistine ni nge dabi ngongliy piyu Israel e saydon nge sarey.

Psalms 128:1

Ba felan’ e pi’in yad ma fol rok SOMOL, ni yad ma par nrogon nike yog.

Exodus 1:11

Ma aram miyad tay e girdi’ ni ngi i gelnag e thin ngorad ngar maruwelgad nib gel ya ngar magaergad; me toy piyu Israel e naun u lan e binaw nu Pithom ngu Rameses ni fan ngak Farao, ni aram e gin nge mang tafen e ggan ko fare pilung.