Psalms 124:3 - Bible Ni Thothup

³ ma kar ful’ed gadad ni ka gadad bafos u gelngin e damumuw rorad ngodad;

Psalms 124:3 Referans Kwoze

Acts 9:2

me wenig ngak ni nge pi’ e babyor ngak ni nge weliy e re gi babyor nem murung’agen Saul ngak e girdi’ u lan e pi tafen e mu’ulung rok piyu Israel ni bay u lan yu Damaskus, ni fan e nge pir’eg u rom e pi’in yad be fol ko fare Kanawo’ rok Somol, ma nge yib mat’wun ni nge kolrad nge fekrad, ni pumo’on nge ppin, nge fulwegrad nga Jerusalem.

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Daniel 3:19

Mri damumuw Nebukadnezzar me row owchen nike damumuw ngak Shadrak nge Meshak nge Abednego. Me yog ngak e salthaw rok ni ngar gel niged e nifiy u lan fare tafen e nifiy ni medlip yay gelngin e gowel ni nge mun ngay.

Psalms 57:3

Ra fulweg lungug u tharmiy me ayuwegneg; bayi mo’waernag e pi’in yad be gafgow nigeg. Got e ra dag ngog e t’ufeg rok ni dabi mus nge feni yul’yul’.

Psalms 35:25

Dab mpagrad ngar ga’argad ngorad, “Aha, kari yag fiti lanin’dad! Ya kad thanged e pogofan rok!”

Psalms 27:2

Ngiyal’ nra cham e girdi’ nib kireb ngog ni yad be guy rogon ni ngar thanged e fan rog, ma ra tun ayrad ngar dol’gad.

Jeremiah 51:34

Pilung nu Babylon e th’ab yu Jerusalem ke languy. Ke m’aynag gathon fare binaw ni bod ba rume’; ni bod ba kan nike ful’ fare binaw. I fek e n’en ni ba’adad me n’ag e tin kabay riy.

Proverbs 1:12

Gadad ra mada’ nagrad ma yad ba fos ma ba fel’fel’ rogorad, machane gadad ra pagrad ma yad ba yam’!

Psalms 83:4

Yad be ga’ar, “Mired, ngad thirifed e re nam rorad ney, ya ngan pagtalin yu Israel ndabki yib ngan’uy bi’id.”

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Psalms 74:8

Yad ba’adag ni ngar thirfed gamad u but; kar urfiyed nga but’ gubin yang nib thothup u lan e nam.

Ester 3:6

ma nap’an niki nang ni Mordekai e ba Jew me duwgiliy ni gathi go’ Mordekai e nge gechignag. Me leamnag ni nge thang mit gubin e Jew ni bay u tan e gagiyeg rok yu Persia.

Jonah 1:17

Me l’oeg SOMOL ba nig ni ba ga’ nge yib i ful’ Jonah; me par Jonah u lan yin fare nig ni dalip e rran nge dalip e nep’.

Psalms 83:5

Me ta’reb e puruy’ rorad ngay ni ka ra ta’rebgad ni ngar togopluwgad ngom: