Psalms 121:7 - Bible Ni Thothup

⁷ I SOMOL e ra yororiyem rok urngin e riya’; me tem ndabi buch ban’en rom.

Psalms 121:7 Referans Kwoze

2 Timothy 4:18

Mi Somol e bayi chuwegeg u fithik’ urngin e gafgow, me thapegeg nga tharmiy ko gin nsuwon. Me ir e nganog e sorok ngak ndariy n’umngin nap’an! Amen.

Psalms 41:2

I SOMOL e ra yororiyrad me ayuweg e pogofan rorad; ra tayrad ni yad ba felfelan’ u daken fare but’; ma dabi n’agrad nga pa’ e pi to’ogor rorad.

Proverbs 12:21

Dariy ban’en nib kireb nma buch rok e pi’in nib mat’aw, machane pi’in kireb e dariy ban’en rorad, go’ oloboch.

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Psalms 97:10

I SOMOL e bt’uf rok e pi’in nib fananikay e kireb; mma ayuweg e yafos rok e girdi’ rok; ma chuwegrad u lan pa’ e pi’in kireb.

Psalms 34:22

I SOMOL e ra ayuweg e pogofan rok e pi tapigpig rok; ma dabi gechignag e pi’in yad ra yan ngak ni ngar nafgad nga tan pa’.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Genesis 28:15

Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”

Numbers 6:24

I SOMOL e ngi i fal’eg wa’athmed ma be ayuwegmed;

1 Kronicles 4:10

Machane me meybil Jabez ngak fare Got nu Israel ni ga’ar, “Got mu tow’ath nigeg, ngam ga’nag e gin tafnag. Mu par rog nga mu yororiyeg ko kireb nge dabi kar amith ngog.” Me pi’ Got ngak e tin ni meybilnag.