Psalms 12:7 - Bible Ni Thothup

^7-8 Pi’in kireb e leam rorad e yad bay u gubin yang, ma gubin e girdi’ nma uf ko n’en nib kireb. A SOMOL, mu ayuwegmad, u pa’ e miti girdi’ nem.

Psalms 12:7 Referans Kwoze

1 Samuel 2:9

“Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Psalms 121:8

Bay u mub ngu’um man ni be yoror rom e chiney i yan nga m’on ndariy n’umngin nap’an.

Psalms 37:40

I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.

Matthew 3:7

Ma fa’ani guy John e Farise nge Sadduse ni pire’ ni karbad ngak ni nge tawfe nagrad, me ga’ar ngorad, “Gimed e pi porchoyog nir — mini’ e keyog ngomed nrayag ni ngam thaygad ko damumuw rok Got ni bayi taw?

Isaiah 27:3

“Gu ma ayweg ma gu ma tarannag ni gubin ngiyal’. Gu ma matanagiy ni nnep’ nge rran ya nge dabi kirebnag be’.

Psalms 37:28

Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.

Psalms 16:1

Got, mu yoror rog, i gur e pagan’ rog.

Psalms 10:18

Bay mu rung’ag e meyor rok e pi’in yi be gafgow nagrad nge pi’in kanim’ rorad; bay mu duwgiliy ni yad bfel’, ya nge tal e girdi’ ni dab kur k’arnged e marus ngorad.

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Psalms 18:31

I SOMOL, ni kemus ni ir e Got; kemus ni Got e yoror rodad.

Psalms 19:9

Madgun SOMOL ni bay u wun’uy e bfel’, ya ra par ndabi m’ay bi’id; urngin e tin ma turguy SOMOL e ba yal’uw, ya gubin ngiyal’ nma yan i aw nrogon.

Psalms 119:140

Ri dabi thil e n’en ni kam micheg! Rib t’uf rog!