Psalms 119:70 - Bible Ni Thothup

⁷⁰ Pi cha’ney e dariy ban’en ni yad manang fan, machane gag e gu be pir’eg e felfelan’ u lan e motochiyel rom.

Psalms 119:70 Referans Kwoze

Psalms 17:10

dariy e marunguy rorad, mab tolang e thin rorad.

Acts 28:27

Ya laniyan’ e pi girdi’ ney e ke man; ma kar ninged lan telrad, ma kar uchumiyed lan owcherad. Ya fa’an mang e n’en ma ke guy lan owcherad ban’en, ma ke rung’ag lan telrad ban’en, ma ke tamilangan’rad, ma ke yag nra pigichealgad ngog ngug gol nagrad.’ Ara — rogon ni yog Got.”

Psalms 73:7

gumircha’rad e be thang’el e kireb riy nga but’, ma leam rorad e ke suguy e kireb nike m’ay i t’ar liyben rorad.

Isaiah 6:10

Me ga’ar ngog, “Mu mur’mur’nag lolugen e pi girdi’ ney, ma ga ning telrad nge owcherad, nge dab ku ra guyed ara rrung’aged ban’en ara ra nanged fan ban’en. Ya ra dangay ma yad ra yib ngog miyad gol.”

Psalms 119:16

Gu ma felfelan’ ko pi motochiyel rom; ma dab gu pag talin e tin ka mu ta’chiylen.

Roma 7:22

Lanin’ug e ri ba’adag fare motochiyel rok Got.

Psalms 119:35

Mu yol’uwegeg ngu’ug fol ko tin kamog ni ngan rin’, ya fithik’ e pin’em e gu ma pir’eg e felfelan’ riy.

Psalms 40:8

Got rog, ri gu ba’adag ni nggu rin’ e tin nib m’agan’um ngay! Thin rom e be par u fithik’ i lanin’ug.”