Psalms 119:58 - Bible Ni Thothup

⁵⁸ Gu be ning ngom u polo’ i lanin’ug ni nge wurengan’um ngog, ni bod nim micheg.

Psalms 119:58 Referans Kwoze

Psalms 119:41

SOMOL, mu dag ngog gelngin ni gub t’uf rom, ma ga aywegeg nrogon nim micheg.

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

Psalms 119:170

Mmotoyil ko meybil rog, ma ga mat’aw nigeg ni rogon ni mu micheg.

Psalms 119:10

Gu be gay rogon ni nggu pigpig ngom u polo’ i lanin’ug; mu aywegeg nge dab gu pi’ keru’ug ko tin kamog ni ngan rin’.

Psalms 27:8

Ke lungum, “Moy ngog.” Ere bay gub ngom, SOMOL;

Psalms 4:6

Me yo’or e girdi’ ni nge meybil ni be lungurad: “SOMOL, kum fal’eg’ boch wa’athmad. Mu changar ngomad u fithik’ e runguy!”

1 Kings 13:6

Me ga’ar Jeroboam ni Pilung ngak fare profet, “Wenig ngom mu yibliyeg ngak SOMOL ni Got rom, mag wenig ngak nge golnag pa’ag!” Me meybil fare profet ngak SOMOL me gol pa’ fare pilung.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Hosea 7:14

Darir yul’yul’gad ko meybil rorad ngog, machane yad be pagedyad nga but’ ngu’ur dololoy’gad ni bod nma rin’ e girdi’ nde nangeg, nap’an ni yad ra meybil nag e grain nge wayin, miyad rasay dowrad ni bod e girdi’ ni denang Got. Ke pag rogon e togopluw rorad.

Psalms 138:2

Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.

Psalms 119:76

Mu pag e t’ufeg rom ni dabimus nge fal’eg lanin’ug, ni bod nim micheg ngog, I gag e tapigpig rom.

Psalms 119:65

SOMOL, michmich rom e kam tay u gil’, ma gab gol ngog, I gag e tapigpig rom.

Psalms 56:10

ni fare SOMOL ni gu ma pining e sorok ko pin’en ni micheg.

Psalms 56:4

Be pagan’ug ngak Got ma da gur tamdag; gu be pining e sorok ngak ko n’en ke micheg. Ere mang e rayag ni nge rin’ ba girdi’ ngog?

BABYOR NI JOB 11:19

Ma dab kumrus ngak e pi to’ogor rom; ma bo’or e girdi’ ni bay ur ninged e ayuw ngom.

Psalms 119:145

Gu be piningem u polo’ i lanin’ug; SOMOL, mu fulweg lamag, ma bay gu fol ko tin kam ta’chiylen!