Psalms 119:40 - Bible Ni Thothup

⁴⁰ Gu ba’adag ni nggu fol ko tin kamog ni ngan rin’; mu pi’ e yafos nib be’ech ngog, ni fan e gab mat’aw.

Psalms 119:40 Referans Kwoze

John 10:10

Ma fare moro’ro’ e be yib ni kemus ni bochan e nge iring e saf, me li’ ngem’ me kirebnag. Me gag e ku gub ni bochan e nge yag e yafos ngorad, ni yafos nike yan i mus ngarogon.

Psalms 119:20

Be amith lanin’ug ni kug’um ni bochan; ni gu ba’adag ni nggu nang e tin ka mu tiriggiliy ni gubin ngiyal’.

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

Psalms 119:159

SOMOL, mu guy feni rib t’uf rog e fanow rom. T’ufeg rom e der thil, ere mu ayuwegneg!

Psalms 119:37

Mu talegneg ni dabki lagan’ug ko n’en ndariy gam’ingin; mu gol ngog, ni bod nim micheg.

Psalms 119:25

Ku gu aw nga fithik’ e ab ni ku gu waer; mu fasegneg, ni bod ni kam micheg.

Efesus 2:5

ya nap’an ni kagadad bay u tan e gechig rok Got ni aram e gadad ba yam’ ni bochan e denen rodad me chagiydad ngak Kristus nge thapegdad ko yafos; yu daken e runguy rok Got e ir e ke thapegmed riy ngak.

Galatia 5:17

Ya n’en nib kireb ni gadad be ar’arnag e be togopluw ko n’en ni ba’adag fare Kan Nthothup, ma n’en ni ba’adag fare Kan Nthothup e be togopluw ko n’en nib kireb ni gadad be ar’arnag, ni aram e yow ba tathil, ni fan e re bugithin ney e dabiyag ni ngam rin’ed e tin ni gimed ba’adag ni ngam rin’ed.

1 Korinth 15:45

Ya be ga’ar e babyor nib thothup, “Bin som’on e girdi’ e Adam ni Got e sunumeg me tay nib fos”; ma bin tomur e Adam e ir fare Kan nma pi’ e yafos.

Matthew 26:41

Um odgad ngu’um meybilgad ngak Got, nge siy mpaged gimed ngak e pin’en nma pingeg e girdi’ nge denen. Ya lanin’uy e ba’adag, ma dowef e mme’waer.”

Psalms 119:156

Machane runguy rom, SOMOL, e rib ga’; mu dag e kirban’ rom ngam aywegeg!

Psalms 119:149

A SOMOL mu rung’ag lamag ni bochan e t’ufeg rom ni dabimus; mu dag e wurngan’ rom, ma ga teg ni gubfos!

Psalms 119:107

SOMOL, gafgow rog e rriyul’ nrib gel; mu teg ni gubfos, ni bod ni kam micheg!

Psalms 119:88

Mu gol ngog ni bochan e t’ufeg rom ni dabimus, ya nge yag ni gu fol ko motochiyel rom.

3 John 1:2

Fager rog ni gab t’uf rog, gu be meybil ngak Got ni ngu’um par ni bfel’ rogom, ma dariy e lily rom — ni bod rogon ni gu manang ni bfel’ lanin’um.

Roma 7:24

Ere kar gu gafgow! I mini’ e ra chuwegeg u pa’ e re dowef ney ni ir e be fekeg i yan ko yam’?

John 5:21

Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

Mark 9:24

Ma ka chingiyal’ nem me non e chitamngin fare pagel ni ba ga’ gaman ni be ga’ar, “Bay e michan’ rog, machane de gaman, ere mu ayuwegneg nge gel e michan’ rog!”

Psalms 119:5

Ri gu be athapeg ni gomang e yuggu par ni gub yul’yul’ ko pi fanow rom.