Psalms 119:33 - Bible Ni Thothup

³³ SOMOL, mu fil ngog fan e pi motochiyel rom, mu gu fol riy ni gubin ngiyal’.

Psalms 119:33 Referans Kwoze

1 John 2:27

Machane gimed e ke pi’ Kristus e Kan Nthothup rok ngomed. N’umngin nap’an ni be par e Kan Nthothup rok romed e dariy rogon ni nge yib be’ i fil ban’en ngomed. Ya fare Kan Nthothup e be fil ngomed murung’agen urngin ban’en, ma tin be fil ngomed e ba riyul’, ma gathi de riyul’. Ere mfolgad ko tin be fil e Kan Nthothup ngomed ngam pired u fithik’ Kristus.

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

Filippi 1:6

Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

Psalms 119:12

A SOMOL, gu be pining e sorok ngom; mu fil ngog e pi kanawo’ rom.

John 6:45

Pi profet e ra yoloyed ni lungurad, ‘Got e bayi machibnag urngin e girdi’.’ Urngin e pi’in nrung’aged e thin ko en ni Chitamangiy me mit e tin nike yog ngorad e bay rabad ngog.

Matthew 24:13

Machane en nra athamgil nge mada’ ko tomur e rayag e yafos ngak.

Revelation 2:26

Ma pi’in yad ra gel ndar paged yad ko kireb, ni pi’in yad be ngongliy e tin nib m’agan’ug ngay nge yan i mada’ ko tomur e gu ra pi’ mat’awrad ni ta’reb rogon nga mat’wug ni yag ngog rok e Chitamag: Bay gu pi’ mat’awrad ni ngar gagiyeg niged e pi nam nga ba ley i wasey ngar t’et’ared girdi’en e pi nam ngay ni nochiyang ni bod bogi th’ib ni but’. Ma bay kug pi’ e fasuran ngorad.

Matthew 10:22

Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

Psalms 119:112

Kug duwgiliy u wun’ug ni nggu fol ko pi motochiyel rom, nge mada’ ko rofen ni bay gum’.

Psalms 119:8

Bay gu fol ko pi motochiyel rom; are dab mu nigeg bi’id!

Psalms 39:2

Kug th’ab gulungag, nda gog ta’ab bugithin, mus nga ban’en ni bfel’ mda gog! Machane, mi ri gel boch e gafgow ngog,

Psalms 119:2

Nge falan’ e pi’in yad ma folwok ko tin keyog, ni pi’in yad ma fol rok u polo’ i lanin’rad.