Psalms 119:160 - Bible Ni Thothup

¹⁶⁰ Yul’yul’ e ir e def ko motochiyel rom, ma gubin e tin nib mat’aw ni ga be tiriggiliy e dariy n’umngin nap’an.

Psalms 119:160 Referans Kwoze

Proverbs 30:5

“I Got e der ma thilyeg e tin ke micheg. Ir e bod rogon bangi shield ngak urngin e pi’in yad ma gaweg e ayuw rok.

2 Timothy 3:16

Ya urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan ya ma fil e tin nib riyul’ e thin ngodad, ma be yal’uweg e tin ni be oloboch e girdi’ riy, ma be fulweg e girdi’ ko ngongol ni bfel’, ma be fonownag e girdi’ u rogon e ngongol ni ngar pired riy ni ir e bmat’aw u mit Got,

Psalms 119:144

Fonow rom e bayi par ni gubin ngiyal’ nib mat’aw; mu tamilang nigeg, mu gu par ni gubfos.

Matthew 5:18

Mu ted ngan’med e re bugithin ney! N’umngin nap’an ni ka be par e tharmiy nge fayleng e dariy bochiyang u reb e yol ara bochiyang ko Motochiyel nra nn’ag — ya fin ra taw nga tomuren urngin ban’en.

Eklesiastes 3:14

Gubin ban’en nma rin’ Got e ra par ndariy n’umngin nap’an. Dabiyag ni ngan puthuy ban’en ngay ara nchuweg ban’en riy. Ke tay Got ni aray rogon ni fan e nge par e girdi’ ni bay madgun u wun’rad.

Psalms 119:142

Rogon ni ga ba mat’aw e bayi par ndariy n’umngin nap’an, ma motochiyel rom e gubin ngiyal’ nib riyul’!

Psalms 119:152

Ke kakrom ni ku gu fil murung’agen e fanow rom; ni mu ngongliy ni nge par ndariy n’umngin nap’an.

Psalms 119:138

Tin ni kam duwgiliy u lan e motochiyel rom ni ngan rin’ e rib yal’uw ma ba mat’aw.

Psalms 119:86

Gubin e motochiyel rom mra pagan’nuy ngay; girdi’ e yad be gafgow nigeg ko sasalap l’ugun — mu ayuwegneg!

Psalms 119:75

SOMOL, gumnang ni tiriggil rom e go’ bmat’aw, ma ka mu gechig nigeg ni bochan e ga ba yul’yul’.