Psalms 119:16 - Bible Ni Thothup

¹⁶ Gu ma felfelan’ ko pi motochiyel rom; ma dab gu pag talin e tin ka mu ta’chiylen.

Psalms 119:16 Referans Kwoze

Psalms 119:24

Pi fanow rom e ma pi e felfelan’ ngog; ni ir e ma yal’uwegeg.

Psalms 119:47

Ku gu pir’eg e felfelan’ u fithik’ e fol ni gu be tay ko tin kamog ni ngan rin’, ni bochan e rib t’uf rog e tin kamog.

Roma 7:22

Lanin’ug e ri ba’adag fare motochiyel rok Got.

Proverbs 3:1

Fakag, dab mu pag talin e machib rog ngom. Gubin ngiyal’ ni ngi i par u wun’um e n’en kugog ngom ni ngam rin’.

Psalms 119:35

Mu yol’uwegeg ngu’ug fol ko tin kamog ni ngan rin’, ya fithik’ e pin’em e gu ma pir’eg e felfelan’ riy.

Psalms 119:176

Gu be deraw ni bod ba saf nike malog; are moy ngam changar nigeg, i gag e tapigpig rom, ni bochan e dawor gu n’ag e motochiyel rom.

Psalms 119:141

I gag e dariy rogog ma dariy fag u wun’uy, machane dagur pag e pi machib rom.

Psalms 119:109

Ya gubin ngiyal’ ni kug fal’eg rogog kug kol e pogofan rog nga pa’ag; ma motochiyel rom e dawor gu pag talin.

Psalms 119:83

Dakriy ban’en ni gu bfel’ ngay kug bod ba tafen e wayin ni kann’ag; ni yug aram rogon ma dawor gu pagtalin e tin kamog ni ngan rin’.

Psalms 119:77

Mu rungyeg, mu gu par ni gub fos ni bochan e ke yag e felfelan’ ngog ko motochiyel rom.

Psalms 119:70

Pi cha’ney e dariy ban’en ni yad manang fan, machane gag e gu be pir’eg e felfelan’ u lan e motochiyel rom.

Psalms 1:2

Ma ra be’eg e motochiyel rok SOMOL mma yib e felfelan’ riy ngak, ma ku aram rogon nra be’eg ni rran nge nep’ ni bochan e nge nangfan.

Psalms 119:14

Gu ba felfelan’ ni gu be fol ko tin kamog ni ngan rin’, ku gu ba’adag ko bin nge yo’or ban’en rog.

Psalms 40:8

Got rog, ri gu ba’adag ni nggu rin’ e tin nib m’agan’um ngay! Thin rom e be par u fithik’ i lanin’ug.”

Psalms 119:11

Gu be chubgiliy e motochiyel rom u lan gumircha’eg, ya nge dab gu denen nib togopluw ngom.

Psalms 119:61

Pi’in kireb e yad ma tay e wup ni fan ngog, machane dagur pagtilin e motochiyel rom.

Psalms 119:143

Ke suguy e gafgow nge magafan’ lanin’ug, machane pi motochiyel rom e ma felfelan’ nigeg.

Psalms 119:153

Mu sap ko gafgow rog, ngam aywegeg, ni bochan e dawor gu n’ag e motochiyel rom.

Psalms 119:174

A SOMOL, kargum’ ni bochan ni ngam mat’aw nigeg! Gu be pir’eg e felfelan’ u lan e motochiyel rom.

Proverbs 21:15

Nap’an ni yira rin’ ban’en nib manigil, me felfelan’ e girdi’ nib manigil, ma pi’in kireb e ra math e liyab ngorad.

Jeremiah 15:16

Mu non ngog, mu gu rung’ag urngin bug e thin ni mog. SOMOL ni Got ni Gubin ma Rayag Rok, i gur e mmil suwog ngom, ere thin rom e be fal’eg lanin’ug ma be pi’ e felfelan’ ngog.