Psalms 119:121 - Bible Ni Thothup

¹²¹ Kug rin’ e n’en ni bfel’ ma ba manigil; dab mu pi’eg nga pa’ e pi to’ogor rog!

Psalms 119:121 Referans Kwoze

2 Samuel 8:15

Me gagiyeg David u daken yu Israel ni ga’ngin ma be guy ni nge par e girdi’ rok ni gubin ngiyal’ ni yibe aywegrad ni bfel’ ma ba mat’aw rogon.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

Psalms 37:33

machane SOMOL e dabi pag fa’anem ni bfel’ nga pa’ fa’anem nib kireb, ara pag fa’anem ni bfel’ u gil’ e pufthin nge m’ing e thin nga daken ni nga ni gechignag.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,

Acts 21:16

Me un boch pi gachalpen Jesus ngomad ni yad ma par u Cesarea nggu warod, miyad fekmad nga tafen be’ nib mo’on ni ir e nggu pired rok, ni aram Mnason, ni be’ u Cyprus, ni ir be’ nib mich Jesus u wan’ ko tin ni ba’aram e rran ni som’on.

Psalms 75:2

Got e be ga’ar, “Kug duwgiliy e ngiyal’ ni ngan pufthin, ma gu ra pufthin nib mat’aw rogon.

1 Samuel 25:28

Siro’, wenig ngom mu n’agfan rog, ni fa’anra bay ban’en nib kireb ni kug rin’. Bayi tem SOMOL ni gur e pilung, ma ku errogon e pi’in owchem, ni bochan e ga be mael ni fan ngak; ma dab mu rin’ ban’en nib kireb u n’umngin nnap’an e yafos rom.