Psalms 119:111 - Bible Ni Thothup

¹¹¹ Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 119:111 Referans Kwoze

Jeremiah 15:16

Mu non ngog, mu gu rung’ag urngin bug e thin ni mog. SOMOL ni Got ni Gubin ma Rayag Rok, i gur e mmil suwog ngom, ere thin rom e be fal’eg lanin’ug ma be pi’ e felfelan’ ngog.

Psalms 119:174

A SOMOL, kargum’ ni bochan ni ngam mat’aw nigeg! Gu be pir’eg e felfelan’ u lan e motochiyel rom.

Psalms 119:92

Fa’an manga gathi motochiyel rom e ir e enggin e felfelan’ rog, ma kugum’ nriyul’ u fithik’ e gafgow rog.

Psalms 16:5

SOMOL, i gur e gubin ban’en ngog, I gur e ga ma pi’ ngog urngin e tin ba t’uf rog; ma tin kabay e rran u puluwog e bay u lan pa’am.

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.

Psalms 119:127

Ba t’uf rog e tin kam ta’chiylen ko gol, bfel’ u wun’ug ko tin th’abi fel’ e gol.

Psalms 119:74

Picha’ ni yad ma liyor ngom e yad ra guyeg ma yad ma felan’, ni bochan e ma pagan’ug ko n’en nim micheg.

Psalms 19:8

Tin keyog SOMOL ni ngan rin’ e mmat’aw: pi’in ni be fol riy e ke felan’rad. Tin keyog SOMOL ni ngan rin’ e ba yal’uw, mma ayuwegey nge tamilangan’uy.

Deuteronomy 33:4

Ud folgad ko motochiyel ni pi’ Moses ngodad, re motochiyel nem e ke par ni ba wogthuth ni fen e nam rodad.

Hebrews 9:15

Ireray fan ni Kristus e ir e ngongliy rogon e bin nib be’ech e m’ag, ni fan e pi’in ke piningrad Got e nge yag e fla’ab ndariy n’umngin nap’an ngorad nike yog Got nra pi’ ngorad. Ren’em e rayag ni fan e yam’ nike tay e ir e ke biyuliy e girdi’ ko pi kireb ni kar ngongliyed ko ngiyal’ ni ba’aram ni yad be par u tan e bin som’on e m’ag.

Psalms 119:14

Gu ba felfelan’ ni gu be fol ko tin kamog ni ngan rin’, ku gu ba’adag ko bin nge yo’or ban’en rog.

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

Psalms 119:162

Kar gu felfelan’ ni bochan e tin kam micheg, ni felfelan’ ni bod be’ nike pir’eg e machaf.

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

Kolose 1:12

Mu um pinined e magaer u fithik’ e felfelan’ ngak e en ni Chitamangiy ni ir e ke ngongliymed kam pired nrayag ni nge yag e f’oth ngomed u urngin ban’en ko tin ke tay Got ni fan ngak e tirok’ e girdi’ ko gin nsuwon nrib tamilang.

Psalms 19:9

Madgun SOMOL ni bay u wun’uy e bfel’, ya ra par ndabi m’ay bi’id; urngin e tin ma turguy SOMOL e ba yal’uw, ya gubin ngiyal’ nma yan i aw nrogon.